牛舞日本燒肉‧涮涮鍋放題

营业中

休息中

今日入咗元朗行街睇戏，睇完戏开始有啲肚饿，喺形点原来有咁多餐厅，朋友就带咗我去食烧牛肉，日式放题。牛舞日本烧肉，涮涮锅放题。120分钟任饮任食。座位方面都几舒适，因为空间感都好足够，而且装修得好整洁光猛。餐厅有几个自助区，有蔬果，生果，饮品。熟食方面有豆腐，鱿鱼，炸鸡。仲有酱油区，甜品雪糕区，全部都系自己选择。今次我哋点咗日本萨摩和牛放题，呢个萨摩和牛真系有惊喜，牛肉味好香浓，牛肉入口即溶，肉质嫩滑，油花比较香，色泽红润一睇就知道好新鲜。日本萨摩和比美国安格斯牛更加香，更加多肉汁。钟意食牛肉嘅人一定要试吓。甲罗烧，蟹膏同蛋浆融合埋一齐，味道真系好香。蟹膏味道好鲜甜，加上蛋浆令到蟹嘅鲜味提升。澳洲和牛腹肉，牛肉肉质比较软腍，脂肪比例分布均匀，食到牛脂同牛肉嘅香味。另外烧牛舌都好好味入口爽滑。海鲜方面我就钟意食烧扇贝同埋海虾，生蚝。烧蚝size好巨大。入口鲜味浓郁，而且爽滑香甜口感非常正。扇贝就加咗啲牛油蒜粒，令到扇贝味道更加香更加有层次。海虾最简单新鲜已经足够肉质爽滑弹牙。今日见到有梅酒饮，忍唔住饮返两杯。最后食啲生果，甜品雪糕，今日真系大满足。