影片
更多
2023-01-28
77 浏览
💡高质生蚝任食小编一直都系生蚝迷，要揾到高质生蚝且系任食都唔系咁易。今次朋友介绍左呢间牡蛎屋严选嚟自冈山县、逾六十年历史嘅北木岛喜多嬉牡蛎养殖场嘅生蚝，所以品质有保证，而且仲有多款小食、串烧、主食及饮品供应。放题分别有60或90分钟可以选择。⏰食べ放题90分钟 ($498)🍽喜多嬉九品卖相好精美，有日本直送象拔蚌刺身、喜多嬉牡蛎茶渍饭、二色烧活白鳗、天妇罗秋葵、手工月见烧鸟串、天妇罗紫苏叶吞拿鱼蓉、时令沙律同日式渍物，头盘已经咁高质，如果比我有得再添食就正啦😂😂🍽生蚝及烧蚝生蚝大只得黎有我只手掌咁大，食落肉质爽口鲜味，又唔觉有海水味，入口顺滑。配上土佐酢啫喱、辣萝卜蓉和葱花，更能带出生蚝的鲜味。另外火烤则味道更香浓，配埋3款酱汁，蒜蓉酱、沙茶酱同XO酱，味道更丰富。而另外仲有烧帆立贝，大大粒，肉质爽弹，好吸引❤️🍽串烧🍢烧鸡心、七里香、大腿肉、烧猪颈肉、烧墨鱼仔、烧蕃薯仔、烧秋葵、烧味酥鱼干，整体就正常，有少少烤过龙，所以就干身少少。但就可以自己加孜然酱及秘制魔鬼辣椒粉，令味道更多一层。如果唔够饱仲可以叫埋秘制捞五岛手延乌冬，细细碗，但就好creamy。🍽饮品要咗梨山乌龙、白桃乌龙两款冷
小编一直都系生蚝迷，要揾到高质生蚝且系任食都唔系咁易。今次朋友介绍左呢间牡蛎屋严选嚟自冈山县、逾六十年历史嘅北木岛喜多嬉牡蛎养殖场嘅生蚝，所以品质有保证，而且仲有多款小食、串烧、主食及饮品供应。放题分别有60或90分钟可以选择。
⏰食べ放题90分钟 ($498)
🍽喜多嬉九品
卖相好精美，有日本直送象拔蚌刺身、喜多嬉牡蛎茶渍饭、二色烧活白鳗、天妇罗秋葵、手工月见烧鸟串、天妇罗紫苏叶吞拿鱼蓉、时令沙律同日式渍物，头盘已经咁高质，如果比我有得再添食就正啦😂😂
🍽生蚝及烧蚝
生蚝大只得黎有我只手掌咁大，食落肉质爽口鲜味，又唔觉有海水味，入口顺滑。配上土佐酢啫喱、辣萝卜蓉和葱花，更能带出生蚝的鲜味。另外火烤则味道更香浓，配埋3款酱汁，蒜蓉酱、沙茶酱同XO酱，味道更丰富。而另外仲有烧帆立贝，大大粒，肉质爽弹，好吸引❤️
🍽串烧🍢
烧鸡心、七里香、大腿肉、烧猪颈肉、烧墨鱼仔、烧蕃薯仔、烧秋葵、烧味酥鱼干，整体就正常，有少少烤过龙，所以就干身少少。但就可以自己加孜然酱及秘制魔鬼辣椒粉，令味道更多一层。如果唔够饱仲可以叫埋秘制捞五岛手延乌冬，细细碗，但就好creamy。
🍽饮品
要咗梨山乌龙、白桃乌龙两款冷泡茶，解腻消济。
张贴
