Cossi (已結業)

黎到荃湾西附近，本身想食第二间餐厅，但系因为要排队，又热又唔想等，所以就黎左呢间cossi, 谂住食番个迟来的早午餐。𠮶阵大约2点几三点既时间，又星期日，周围都多人，呢间店其实都多人，但因为够大间，有两层，所以我地一入都有位，坐左喺上层，环境又够舒服，宁静，店员好有礼貌，又唔会因为我地坐左喺上面而冇乜人理会。一个set 除左有一杯细杯既orange juice, 仲有餐茶。五成熟既牛扒香口好味，脆薯又够香，滑蛋香滑，黑松露又够足粒，整体唔错。