影片
更多
2020-11-08
4945 浏览
呢日同屋企人嚟试下呢间位于Times Square嘅中菜馆，听闻系由资深中菜大厨主理，主打花胶菜式，另外佢嘅烧乳猪都好出名，今次叫咗4人既精选套餐，有齐前菜、主菜、饭面同甜品，每款菜式既水准都几出色同平均，睇得出厨艺几唔错，只系服务方面有些小甩漏，同埋餐厅唔系太够侍应，上菜较慢🙈🙈，不过食物方面都足以值得推介。杭椒水晶鸽呢款水晶鸽面头既酱料用上好多新鲜既花椒粒，同平时食麻辣嘢既卖相唔同，呢款新鲜花椒系呈绿色，麻香味好出，鸽肉肉质实净唔鞋，少少辣几开胃。即烧无花果天下第一猪叫得做天下第一猪应该对出品好有信心，6件乳猪件配上无花果做成嘅酱汁，酱汁就唔系好食得出无花果味，比较似平时点既乳猪酱但无咁甜腻，乳猪就算放咗一阵，个皮依然脆卜卜，好香口，底下有一层薄薄既肥膏配埋肉一齐食，的确系几好食既。浓汤花胶菜胆煲鸡真材实料既汤，每碗都有好多鸡肉，仲有大大件菜胆，当然唔少得花胶，有2件，属于比较硬身唔系煲到腍晒好胶质个种，个汤饮得出真系用上好多鸡肴出嚟既味道，鸡肉经煲过之后都唔会鞋，饮晒成碗都唔会油，仲有种好养颜嘅感觉添😻😻无花果片皮鸡二食（避风塘鸡件或凉瓜炆鸡件）呢款主菜分开咗片皮鸡以及鸡件2个菜
杭椒水晶鸽
呢款水晶鸽面头既酱料用上好多新鲜既花椒粒，同平时食麻辣嘢既卖相唔同，呢款新鲜花椒系呈绿色，麻香味好出，鸽肉肉质实净唔鞋，少少辣几开胃。
即烧无花果天下第一猪
叫得做天下第一猪应该对出品好有信心，6件乳猪件配上无花果做成嘅酱汁，酱汁就唔系好食得出无花果味，比较似平时点既乳猪酱但无咁甜腻，乳猪就算放咗一阵，个皮依然脆卜卜，好香口，底下有一层薄薄既肥膏配埋肉一齐食，的确系几好食既。
浓汤花胶菜胆煲鸡
真材实料既汤，每碗都有好多鸡肉，仲有大大件菜胆，当然唔少得花胶，有2件，属于比较硬身唔系煲到腍晒好胶质个种，个汤饮得出真系用上好多鸡肴出嚟既味道，鸡肉经煲过之后都唔会鞋，饮晒成碗都唔会油，仲有种好养颜嘅感觉添😻😻
无花果片皮鸡二食（避风塘鸡件或凉瓜炆鸡件）
呢款主菜分开咗片皮鸡以及鸡件2个菜式，片皮鸡真系第一次听，鸡皮烧得香脆，本身以为鸡皮下面系鸡肉，原来系面包配上无花果酱，模仿片皮鸭咁配酱汁同饼皮，面包好松软，配鸡皮食可以解腻。至于鸡件方面，唔食苦瓜嘅年轻人（即系我🤣）梗系拣避风塘啦，鸡件份量好多，每件都包住炸皮，食落好香口惹味，辣度唔高，唔太食得辣既多会接受到。
黑蒜翡翠泡虾球
好多中菜馆都会见到类似既小菜，味道唔算好特别，胜在虾球够新鲜弹牙。
鲍汁花胶捞饭
份量颇大既捞饭，主要系食鲍汁既味道，不过花胶粒比较细粒同少，唔系太食得出。
蛋白杏仁露配果冻
好养颜既甜品，蛋白份量好多，饮落带淡淡既杏仁香味，另外仲配埋一件杏仁冻，作为一餐饭既结尾好满足呀😌
人均消费：$480
推介指数（10分为满分）：8分
张贴
