影片
更多
2024-06-27
378 浏览
继续生日饭系列 🤩 朋友今次特登揾左一间无论卖相同环境都打卡到满分，味道更加系超水准嘅餐厅 😍 一入去见到落地玻璃开扬嘅景色，加上当日天气好好，蓝天白云同少少阳光，显得餐厅空间感十足，而且我哋仲坐到窗口位，睇住靓景叹精致嘅韩式真系超高享受 🫶🏻Deul Kkae - Juk个传统粥系用咗韩国当造嘅蔬菜，加埋韩牛同埋蚬肉，用自家米煮 1.5 小时而成～ 入口除咗感觉到粥好绵之外，亦食到蔬菜阵阵嘅清甜，配埋牛肉同蚬肉嘅香味同埋口感，连麻麻哋嘅我都觉得好好食，佢仲有块脆米可以捞埋一齐食，入口脆脆地又系另一番风味 🤤Jili - Tang呢个汤嘅卖相非常之吸引，打咗泡嘅海鲜汤口感好得意，而且非常之清甜，配埋入边嘅萝卜粒一齐食，系非常清新嘅感觉，至于个釜山鲍鱼就好鲜甜弹牙，直头系食完都觉得个口甜甜地 😍Jan Chi主菜方面，朋友就拣咗烤澳洲和牛，牛肉烤到刚刚好，好容易咬开，入口非常之Juic又，而且牛味好香浓，钟意食牛嘅一定唔可以错过 🫶🏻 我就拣咗烤釜山鳗鱼，鳗鱼外脆内软，佢烤到面层有焦香嘅感觉，但系咬开鱼肉依然非常之软身有肉汁，鱼肉好挺身弹牙，十分高质；令人惊喜嘅系佢底层嘅薯蓉，加咗姜入去
Deul Kkae - Juk
个传统粥系用咗韩国当造嘅蔬菜，加埋韩牛同埋蚬肉，用自家米煮 1.5 小时而成～ 入口除咗感觉到粥好绵之外，亦食到蔬菜阵阵嘅清甜，配埋牛肉同蚬肉嘅香味同埋口感，连麻麻哋嘅我都觉得好好食，佢仲有块脆米可以捞埋一齐食，入口脆脆地又系另一番风味 🤤
Jili - Tang
呢个汤嘅卖相非常之吸引，打咗泡嘅海鲜汤口感好得意，而且非常之清甜，配埋入边嘅萝卜粒一齐食，系非常清新嘅感觉，至于个釜山鲍鱼就好鲜甜弹牙，直头系食完都觉得个口甜甜地 😍
Jan Chi
主菜方面，朋友就拣咗烤澳洲和牛，牛肉烤到刚刚好，好容易咬开，入口非常之Juic又，而且牛味好香浓，钟意食牛嘅一定唔可以错过 🫶🏻 我就拣咗烤釜山鳗鱼，鳗鱼外脆内软，佢烤到面层有焦香嘅感觉，但系咬开鱼肉依然非常之软身有肉汁，鱼肉好挺身弹牙，十分高质；令人惊喜嘅系佢底层嘅薯蓉，加咗姜入去，捞埋韩式辣酱一齐食辣辣地好惹味，估唔到薯蓉都可以食到咁韩食feel 😍
JinSu - Sung Chen
第一次食到咁好食嘅白饭 😍 用压力煲煮出嚟嘅釜山自家米入口非常香糯，烟烟淋淋好重米香，就咁食都非常之好食！配上清甜嘅鳗鱼汤，仲有五款唔同嘅配菜，有辣嘅亦都有咸嘅，就咁食又得，攞嚟放落饭度食，亦都好好食 🤤
最后就可以拣饮咖啡同茶，我哋今次就拣咗蜜桃茶同埋草莓芒果茶，跟茶仲有一件韩式嘅糕点，甜甜地，用嚟佐茶一流，亦为呢一餐精致嘅韩式午餐画上咗一个好完美嘅句号
张贴
