影片
更多
2019-12-10
385 浏览
上个星期趁冇咁冻，同朋友book左呢间新新地既日本菜试下。上到去一出䢂，感觉良好，门口有只白色陶瓷猫，未入到去餐厅，外面系暗暗地有啲神秘咁，感觉系有少少行低调型格路线。因为一早订左既吧枱位系餐厅既侧面，所以唔系好睇到中间系点，不过新开黎讲望入去都几多人。一坐低侍应姐姐就拎左个篮俾我地放袋，好细心。之后睇睇个menu，lunch set都有十几款，寿司刺身天妇罗乌冬甚至海胆龙虾丼都有，对于有选择困难症既我黎讲系极度难拣。一路睇menu一路有侍应姐姐摆餐具，留意到佢既六角形placemat系好睇又好用，靓得黎又可以令啲碟唔会咁容易移位，又加左啲分。睇下睇下拣左成20分钟我地觉得第一次试既餐厅点都要食个寿司set，另外就再叫左个出面少啲见到而又好似好吸引既龙虾丼。呢度lunch set都包好多嘢，一开始有前菜同茶碗蒸。个沙律个人觉得系好好食！你食得出佢系新鲜食材，唔系求其俾啲菜你，个汁就酸酸地几开胃。之后就系寿司set喇，佢个寿司set其实系omakase，坐吧枱睇住师傅整就最开心！我地今日食就有我最钟意既海胆同拖罗🥰，个海胆系零腥味，拖罗唔系入口即溶就无哂果啲，所以我更钟意！另外仲有带子、
上到去一出䢂，感觉良好，门口有只白色陶瓷猫，未入到去餐厅，外面系暗暗地有啲神秘咁，感觉系有少少行低调型格路线。因为一早订左既吧枱位系餐厅既侧面，所以唔系好睇到中间系点，不过新开黎讲望入去都几多人。
一坐低侍应姐姐就拎左个篮俾我地放袋，好细心。之后睇睇个menu，lunch set都有十几款，寿司刺身天妇罗乌冬甚至海胆龙虾丼都有，对于有选择困难症既我黎讲系极度难拣。一路睇menu一路有侍应姐姐摆餐具，留意到佢既六角形placemat系好睇又好用，靓得黎又可以令啲碟唔会咁容易移位，又加左啲分。睇下睇下拣左成20分钟我地觉得第一次试既餐厅点都要食个寿司set，另外就再叫左个出面少啲见到而又好似好吸引既龙虾丼。
前菜、茶碗蒸
8 浏览
0 赞好
0 留言
呢度lunch set都包好多嘢，一开始有前菜同茶碗蒸。个沙律个人觉得系好好食！你食得出佢系新鲜食材，唔系求其俾啲菜你，个汁就酸酸地几开胃。
之后就系寿司set喇，佢个寿司set其实系omakase，坐吧枱睇住师傅整就最开心！
我地今日食就有我最钟意既海胆同拖罗🥰，个海胆系零腥味，拖罗唔系入口即溶就无哂果啲，所以我更钟意！另外仲有带子、牡丹虾，同埋我觉得好好食好浓鱼味既秋刀鱼。其实师傅有逐件介绍，不过好心急挂住食已经唔系好记得啲名😅仲有个酸姜我都觉得好出色，同出面既系有啲唔同，我估佢地应该系自己调味。
Premium Sushi Platter
83 浏览
0 赞好
0 留言
拖罗
31 浏览
0 赞好
0 留言
中间黎左个面豉汤，之后就到海胆龙虾丼，喂呀洗唔洗咁靓呀？！成只龙虾拆哂肉连膏都帮你分埋但原只壳上番碟俾你睇，仲要加金箔，啱哂大家相机食先😂 我同朋友都系咁帮佢影沙龙唔舍得食！呢个set真系好睇又好食，龙虾系鲜甜，啖啖肉，海胆就同寿司set一样咁正。本来想就咁食碟膏，但侍应姐姐教我地可以用龙虾点番啲膏食，真系几好味☺️
海胆龙虾丼
23 浏览
0 赞好
0 留言
食完哂先记得仲有个甜品，可以拣豆腐雪糕同蕨饼，抱住第一次黎梗系尽量试唔同嘢既心态，我地每款嗌左一个。蕨饼系配红豆酱，烟烟韧韧又唔太甜，我自己就好钟意。
总括黎讲呢个价钱系铜锣湾我觉得都几抵，出面既omakase寿司set好多都要400-500，呢度只系300几，而去到480已经可以食到高质素既海胆龙虾丼。呢个价钱可能唔系平，但性价比绝对系高。而且成间餐厅感觉好cozy, 由餐厅摆设到师傅侍应都系高级得黎亲切舒服，唔会系高档但令你觉得好拘谨果款。坐我地隔离既两位客人系食omakase lunch, 师傅都一路同佢地倾计，又同佢地讲下老细好钟意门口只猫猫专登订番黎，又叫佢地估下啲食材跟住介绍番，成个experience都好好。如果质素一路keep住，一定会再番黎试其他嘢！
张贴
