那個ㄋㄚˋ ㄍㄜ (軒尼詩道)

营业中

休息中

星期日1点同朋友经过门口见有几个人排队，5-10分钟度入到去，装修都几光猛干净。鸡球便当嚟到觉得份量比想像中大，比起鸡球，应该叫大鸡块，炸鸡淋了甜咸味的卤汁十分滋味，部分位置淋酱后仍然能够保留脆的质感，口感十分喜欢。配菜方面有炒杂菜、粉丝及粟米粒，好味而且有花功夫，起码唔系白烚菜。饭量加左大，仲可以免费加饭好贴心。汤面汤汁较甜，朋友很喜欢，附送一串豆皮十分特别，吸满汤汁好食。炸鸡排厚肉且不干柴，枱面仲有三种调味粉提供，我地最钟意紫菜味。鸡扒份量非常多，所以食到最后可能会腻，同朋友交换𩠌菜就Perfect。加左一个地瓜球小食，味道香甜好食，但好像内里中空位置不大，粉团层比较厚。讲真今时今日呢个价钱，有咁大份量又好食，我地认为呢间餐厅高质素，会再经常嚟食。