海陽。居酒屋

营业中

休息中

越嚟越多人过嚟K11 Musea食饭，每逢星期五、六、日都大排长龙，近排发现呢到有好多餐厅，逐间试都有排试呀。今日黎左Kaiyo，气氛好，一入去见到个大酒柜，有啲人坐系到饮杯酒，都几Chill ，我今晚walk in ，入到去全场满座，黎呢到最好都系book定位先，唔系可能要等啦。系有少少迫嘅，同埋人多都有啲嘈，浪费左个禁浪漫嘅灯光。枝豆同鸡泡鱼干做前菜，送酒系一流，虽然今晚无饮酒。枝豆过淋，有啲地方枝豆好厚皮又硬，呢到就唔系禁样，系靓货。鸡泡鱼干好味，热辣辣上枱又唔会干身太甜。吉列广岛蚝唔会话好厚粉，都唔会话过熟，一咬落去有蚝汁流出黎，比我想像中好味好多。满满嘅吞拿鱼蓉，劲新鲜，一啲都唔孤寒，食落劲满足。寿司细细件，唔会一下塞饱左，特赞三文鱼子同带子寿司，好鲜甜。辛-叉烧拉面，我怕辣食左几啖，好香，叉烧好香口，面硬道适中，同行人士话好好味，成晚最好食系佢，如果唔怕辣都不妨一试。