緣聚西日餐廳 (西裕街) (已結業)

好耐冇出去食饭，今晚终于可以食餐好啦。餐厅正中放左沙律吧，一边有粟米粒、车厘茄、菠萝等；另一边就放左火锅食物，有菜、乌冬、冬菇等。仲有饮品柜同雪糕柜呀，任拣。我地首轮叫左刺身，有三文鱼、鲍片、带子、拖罗、八爪鱼等。刺身都新鲜嘅，三文鱼都几肥美，唔错呀。蒜蓉烧蚝，蚝都几大只，加上烧过，所以入口好香，加埋蒜蓉一齐食好夹，蒜蓉嘅味喺口腔入面留左好耐，钟意食蒜嘅人应该会好钟意呢个。蟹粥，真系有蟹喺入面，粥都有蟹味，几鲜味，粥唔会好稀。