Romanne Leisure Food Concept (已結業)

平时都有食开西餐，但系估唔到大角咀都有间高质素嘅西餐，睇舖面真系装修得好靓，仲好舒服。今日星期日，店员同我讲啱啱转左个新嘅Menu，一于试下。内部装修好舒服，好似系丛林中叹紧咖啡一样，枱同枱之间都有段距离，可以好放心食饭，店员仲好都礼貌同耐心介绍餐牌上既食物。先上左个蒜茸包同磨菇汤，磨菇汤味道浓，菇茸好多，食得岀用就新鲜磨菇打成，份量仲唔少，蒜蓉包既蒜味好重，条边好香脆，好香口。沙律配醋好闩胃，又唔太冻，菜亦都好新鲜。先上左个b餐，长通粉好弹牙，连埋香浓芝士一齐食，好想食多两啖，只菇好鲜味，菇味劲重，啱晒钟意食菇既朋友，沟埋半熟蛋黄一齐食，好creamy。之后叫左个黑啤西班牙豚肉辣肉肠意大利饭，佢既啤酒挥发晒就冇酒味，不过口感好好，啲饭既烟韧度好好，另外佢辣肉肠既烟熏味劲重，系一个惊喜口感。好欣赏呢间餐厅，绝对推介黎试一下。