居酒屋·姫 (已結業)

今晚喺尖沙咀行完街，去咗居酒屋食饭。天文台围呢边好多餐厅，今晚拣咗 姫。餐厅采用木色装修，感觉舒适简洁。食物选择唔算好多，不过居酒屋大路嘅菜式佢都有。我哋叫咗轻井沢软壳蟹芝士水菜卷，一客有五件，估唔到软壳蟹同芝士嘅味道都几夹。跟住食咗串烧：心、肝、鸡颈肉、鸡皮、鸡翼同埋纽西兰牛柳。 鸡皮真系必食推介，够晒香脆。鸡肝味道浓郁，都唔错。呢度嘅串烧配咗山葵汁，都几特别。最后食埋海老天妇罗咖喱汤乌冬，大大碗，咖喱味几香、唔会好辣。