Cocolo Tokyo Cake Factory (朗豪坊) (已結業)

之前有朋友介绍话呢间啲苹果批好好食，今日系旺角见到就入咗去食，店舖好贴心，每张枱都有叉电线，大家嘅电话可以系食嘢𠮶阵充电。门口个柜放咗招牌日本直送嘅青森苹果批，此外仲有法国嘅牛角酥、火腿芝士酥、菠菜酥。青森苹果批新鲜出炉，食落热辣辣，表面酥皮焗得金黄香脆，咬落去松化，入面嘅青森苹果清甜，难怪呢个批会系舖头嘅主打产品。除咗苹果批仲叫咗新嘅日式焙茶蛋糕，焙茶蛋糕层次分明，海绵蛋糕以及焙茶慕丝互相分隔，一软一硬质感好平衡，加上焙茶味香浓，食落唔会好甜，质素非常高。餐厅甜品选择非常多，我对蒙布朗蛋糕系列都非常有兴趣，除咗各式各样嘅食物，仲有饮品选择，下次有机会会再去光顾。原来餐厅仲有外送服务,可以直接送返公司当下午茶，正😄