Woodsage

营业中

休息中

元朗出名多好嘢食，今次嚟到呢间外表似咖啡店，实际系西+泰菜！估佢唔到，又几好食～首先登场嘅系奶盖泰奶茶，厚厚嘅奶盖已经令人垂涎欲滴🤤奶盖好滑，个泰奶茶味道都刚刚好，有茶嘅香味，亦都唔会太甜。主食虎虾意粉同鸭肉pizza都好好味，略嫌意粉有少少少少硬，不过软硬度呢样嘢唔会迎合到所有人，明白嘅，所以绝对收货！特别想提嘅系个pizza厚度做得好好，因为我唔钟意太薄，好似食紧饼干咁冇晒个口感。但系佢呢个就啱啱好👍🏻本身见佢几款甜品都好吸引，最后拣咗呢个出面未必会食到嘅泰茶tiramisu，感觉上比较特别。不过真系失望咗，食到系酸酸哋嘅，而且个手指饼嘅质感都唔太好……唔知系咁啱手势唔好，定系本身呢款甜品唔啱我口味🥹但都好似唔应该系酸……(?)不过整体都觉得可以，值得再访的。