Sky726

SKY 726 就喺弥敦道726号楼上嘅25楼，高高在上，叹个晚餐，同时远眺大角咀商厦及新楼，心旷神怡。Set Dinner 小吃喺三文鱼味嘅mousse，造型精致，mousse 幼滑，味道较咸接住有希腊沙律做前菜，水牛芝士配合新鲜爽脆沙律菜，好清新。 跟住有热暖嘅鲜茄杂菜汤，材料丰富，汤煮得入味，令味道提升，浓郁好味。主菜点咗牛面珠粒菠菜牛肝菌意大利饭，色泽明亮，易引起食欲，牛面珠粒够软稔，入口一丝丝，易咬易碎；牛肝菌及其他菌类份量不少，每口都食到，汁酱丰盈，配合粒粒意大利饭，极为滋味。好期待甜品咖啡奶冻，绝对冇令人失望，首先卖相够讨好，有士多啤梨、蓝莓及红桑子装饰，未食已闻到咖啡香味，奶冻香滑，咖啡味浓，好正！一杯少甜少冰柠檬茶，结束美味的一餐。