磯の水產

营业中

休息中

今日早放工嚟到观塘海滨附近嘅矶の水产，喺牛头角地铁站行过去7分钟左右位置都几方便，而且餐厅布置以日式居酒屋为主题，环境坐得好舒服，坐系窗边好chill 呢！今晚我哋叫咗刺身拼盘5种，分别有帆立贝、虾、拖罗、油甘鱼同鲷鱼，每款都有3件，全部都好厚身， 刺身新鲜之外，仲好肥美口感一流。好钟意佢哋嘅葱吞拿鱼腩卷，超好味呀～吞拿鱼砌成蓉，除咗加上香葱，上面仲加咗少少芝麻，有好香嘅鱼油味。我哋仲叫叫咗水蜜桃梳打同巨峰提子梳打，香甜嘅果汁味浓，啱晒食日本料理呀～之后仲点咗鲍鱼同埋虎虾。 店内嘅「浜烧」，即系系枱前嘅小型烤炉，点完海鲜之后，由店员帮手烤熟。店员烤嘅鲍鱼同埋虎虾超靓！全部都好新鲜呀，鲍鱼入口嫩滑，而且鲜味浓郁，落咗少少海盐嘅虎虾都好爽弹呢～最后仲点咗一份野菜乌冬，热辣辣嘅乌冬，唔单止幼滑弹牙，鲣鱼汤底都好好味，今晚食得好满足呀！