影片
更多
2020-10-30
1834 浏览
作为珍姐粉丝, 见佢喺中环开咗火㶽店, 即刻相约老公同埋朋友仔去珍姐度打边炉, 以美食开始10 月头呢个长假期啦! (提提你: 上环珍姐已结业) 珍姐位于兰桂坊中间O既一条巷, 叫和安里, 由中环站行上去大约5 分钟就到了。就算当晚一出地铁站开始落毛毛雨, 快步行一阵就到了。一入到巷已经见到五光十色O既霓虹灯招牌, 劲易认。当晚BOOK 咗7 点, 因为BOOKING 好FULL, 所以食店分咗2 个时段, 1) 6-9pm; 2) 9pm-12am. 我哋叫咗呢个二人火㶽套餐, 再加海鲜同其他食物。以下系火㶽MENU, 剔完就俾店员入单。饮品MENU, 珍姐特饮不能错过呀! 晚市仲有极品手切牛猪油捞面, 下次试下先! 二人套餐包括自选汤底, 招牌猪骨蚬煲/清润椰子竹丝鸡煲, 谂咗阵, 秋天要润一润佢, 就清润椰子竹丝鸡煲啦! 清润椰子竹丝鸡煲 (汤底) - 个汤底一嚟到, 哗! 成只竹丝鸡上, 仲有杞子同粟米添呀! 未开始火㶽, 就梗系呢个时候睇下个汤底咩质素, 一饮, 我哋3 个同时发出惊叹声: 好清甜呀!!! 唔系味精味, 系妈妈煲O既汤味呀! 真系好想先饮一煲先加汤打边
珍姐位于兰桂坊中间O既一条巷, 叫和安里, 由中环站行上去大约5 分钟就到了。就算当晚一出地铁站开始落毛毛雨, 快步行一阵就到了。一入到巷已经见到五光十色O既霓虹灯招牌, 劲易认。
当晚BOOK 咗7 点, 因为BOOKING 好FULL, 所以食店分咗2 个时段, 1) 6-9pm; 2) 9pm-12am.
我哋叫咗呢个二人火㶽套餐, 再加海鲜同其他食物。
以下系火㶽MENU, 剔完就俾店员入单。
饮品MENU, 珍姐特饮不能错过呀!
晚市仲有极品手切牛猪油捞面, 下次试下先!
二人套餐包括自选汤底, 招牌猪骨蚬煲/清润椰子竹丝鸡煲, 谂咗阵, 秋天要润一润佢, 就清润椰子竹丝鸡煲啦!
清润椰子竹丝鸡煲 (汤底) - 个汤底一嚟到, 哗! 成只竹丝鸡上, 仲有杞子同粟米添呀! 未开始火㶽, 就梗系呢个时候睇下个汤底咩质素, 一饮, 我哋3 个同时发出惊叹声: 好清甜呀!!! 唔系味精味, 系妈妈煲O既汤味呀! 真系好想先饮一煲先加汤打边炉呀!
清润椰子竹丝鸡煲
69 浏览
0 赞好
0 留言
试完个汤底, 对今晚O既火㶽料开始劲期待啦!
手切本地肥牛 - 封门柳
不愧为手切本地肥牛, 好淋, 好有牛肉味, 肉带少少肥令味道有少少甘, 好好食呀! 平日都系食开颈脊, 估唔到封门咁好食, 这是呢餐边炉教晓我O既一件事。
手切本地牛肉 - 封门
58 浏览
0 赞好
0 留言
厚切午餐肉 - 午餐肉真心厚切同炸过, 好有诚意! 一向出面餐厅好少系炸过O既, 炸咗O既午餐肉唔单止渌起上嚟冇咁易散, 而家食落都香口D!
厚切午餐肉
52 浏览
0 赞好
0 留言
鱿鱼串及珍宝蟹柳 - 鱿鱼串用我钟意O既须头, 好有咬口; 珍宝蟹柳简直系我最爱
鱿鱼串及珍宝蟹柳
37 浏览
0 赞好
0 留言
陈皮鱼旦同海鱼鱼旦 - 陈皮鱼旦系上环珍姐O既招牌, 好开心中环珍姐都有得食。陈旦鱼旦咬落烟韧, 系打边炉O既一个好配搭
凤城云吞, 韭菜饺同粟米猪肉饺 - 凤城云吞皮薄馅靓; 韭菜饺同粟米猪肉饺都好食
上: 陈皮鱼旦同海鱼鱼旦; 下: 凤城云吞, 韭菜饺同粟米猪肉饺
38 浏览
0 赞好
0 留言
除咗二人套餐, 我哋仲叫咗海鲜, 海鲜先系重头戏呀!!!!!
我哋叫左沙白, 蛏子皇, 花竹虾同珍宝濑尿虾, 初初谂住叫海鲜时, 都犹豫咗一阵, 因为都唔平。不过要食得高兴就要豁出去! 所以都冇再谂咁多, 睇到想食乜就嗌!
沙白同蛏子皇食得出好新鲜
但我想重点讲下花竹虾同珍宝濑尿虾
花竹虾 - 身为虾FANS, 深深知道花竹虾系几好食, 当晚见到有但得返2 只时, 二话不说: 要晒佢哋呀! 一只不留!!! (其实都系得2 只)
花竹虾渌熟咗依然有成部细IPHONE 咁大只, 大佬呀! 只虾已经鬈起咗, 但都可以大成咁! 会唔会太过份呀!
好啦, 竹花虾, 我要食你啦! MIT 开虾壳, 肉厚, 食落口, 又鲜又弹牙! 好满足呀! 加埋个鲜甜汤底, 甜上加甜, 点解得返2 只架?
(提提你: 如果唔想好似我哋咁3 人分2 只花竹虾, 一定要打电话预先订呀)
沙白，蛏子皇, 花竹虾
143 浏览
0 赞好
0 留言
珍宝濑尿虾 - 咩叫珍宝? 唔系大, 系极大! 咩事濑尿虾可以筷子同男人前臂咁长, 真不是盖的!
我哋本身想食咗套餐O既食物先, 但系店员经过见到我哋仲未渌濑尿虾, 都不忘提醒要趁佢仲未死快D 食咗先, 如果等佢死咗先食, 肉质就会冇咁弹牙。
珍宝濑尿虾
68 浏览
0 赞好
0 留言
好! 就开波啦!
我哋唔系好知咁大只要渌几耐, 所以渌紧期间都有问店员熟未呢? 佢哋都好耐心咁帮我哋睇, 渌好之后帮手夹起, 然后好贴心咁切开成小旧咁上返碟俾我哋食。
珍宝濑尿虾
165 浏览
0 赞好
0 留言
店员切好后, 食客唔驶手忙脚乱自己拆开, 只需要专心食就可以。
珍宝濑尿虾
96 浏览
0 赞好
0 留言
不愧为珍宝濑尿虾, 肉厚, 又鲜! 加上店员帮忙切成细旧, 基本上轻轻一剥就有得食了! 我哋叫咗2 只, 加加埋埋都有成10 旧, 每旧都好厚肉, 好满足呀!
珍宝濑尿虾
33 浏览
0 赞好
0 留言
好啦, 嚟到中场休息! 当我哋好享受当晚8,90 年代O既金曲时 (都有新歌O既), 阿老板捧住一大盘牛过嚟同每一枱介绍唔同部位O既特色同O既口感, 讲真! 佢唔讲, 我自己一直都以为只有颈脊最好食, 老板介绍完先发现原来有咁多"了能" 位可以试。上一课了!
坐坐下, 本来都好担心9 点要交枱, 边度食得晒咁多嘢呀! 点知突然传来已发黑雨警告 (哗! 真系食到不知外边横风横雨呀! ) 我哋被告之之后有D BOOKING CANCEL 咗, 我哋可以继续坐, 继续慢慢食。(心中暗喜)
既然可以慢慢食, 咁我哋再点现炸鱼皮同手打金沙墨鱼丸。
现炸鱼皮 - 老板娘诚推现炸鱼皮, 落咗单之后等咗大约10 分钟先上, 我哋都觉得好奇怪, 点解现成炸鱼皮要等咁耐? 唔通漏咗单? 点知一食落口, 噢! 系热咖!! 原来系现炸鱼皮! 好脆口, 又冇油益味! 同出面现成O既好唔同, 再浸一浸已经煲左2 个钟O既汤, 个汤已经煲到劲甜, 好味!
现炸鱼皮
29 浏览
0 赞好
0 留言
手打金沙墨鱼丸 - 老公钟意食墨丸, 我钟意食咸蛋王, 冇理由唔试呢个手打金沙墨鱼丸O既! 我觉得呢个系诚意之作。首先一咬落去, 食到墨丸O既鲜味, 然后再食到咸蛋王O既咸甘味, 两者再MIX 埋一齐, 味道好融合。
手打金沙墨鱼丸
$88
30 浏览
0 赞好
0 留言
手打金沙墨鱼丸
$88
32 浏览
0 赞好
0 留言
食到呢度, 个汤底其实已经煲左3 个钟, 我哋梗系要试下吸收咗日月精华后O既汤底系咩味。呢几个钟入面, 其实都加咗2 次汤, 不过一饮, 味道不单止冇淡到, 反而仲加咗海鲜O既鲜甜! 饮饮下, 店员提我哋套餐有包乌冬/出前一丁。虽然已经好饱, 但为左食尽个汤底, 我哋就SHARE 咗一个出前一丁! 因为佢比乌冬更吸汤!
最后, 我哋坐喺度回味紧当晚O既美食O既时候, 竟然有点歌环节。老板娘真心好顺应大家O既要求嚟播歌, 而且都系播大家都好耳熟能详O既8, 90 年代金曲, 自己跟住唱之余 (暴露咗年纪), 眼见其他客人都好投入咁跟住唱! 食店O既呢个安排, 我觉得好特别同欣赏, 而且真心要赞下个PLAYLIST, 感觉到系好用心安排的。
桂花菊花蜜苣蒻 - 最后以呢个甜品作结, 好特别O既一个甜品, 好清新又唔太甜。听闻呢个甜品系老板娘主理, 赞!
桂花菊花蜜苣蒻
33 浏览
0 赞好
0 留言
漏咗讲杯特饮, 我哋叫咗疏肝菊花蜜, 呢杯饮品简直同打边炉系绝配呀! 清热又唔甜!
当晚食咗差唔多4 个钟, 一路听歌, 一路食嘢, 心中对美食认知O既门不断被推开到一个新O既层次! 可以同同路人一齐品尝美食, 真系觉得好幸福, 连心中O既烦扰都暂时一扫而空!
我已经唔记得当晚讲咗几多次: 我今晚真系食得好开心! D 嘢真系好好食呀!!!
我真心诚意推介呢间无论食品、饮品、装修同店员都咁有诚意同咁高质O既食店, 绝对值得一试! (打完呢篇, 又想再去食了)
张贴
