影片
更多
2023-09-02
48 浏览
大角咀利奥坊𠮶一边慢慢转型，由旧区开始变咗好有活力嘅社区，仲多咗好多餐厅。有日探完朋友之后就去咗附近一间好有情调嘅西餐厅同埋酒吧，里面座位唔多，全部都系高身嘅吧枱，侍应服务态度好好，热心同我哋介绍Menu。我哋一行两人叫咗四样嘢，包括西班牙辣肉肠($68), 蒜香橄油炒野菜($88), 脆炸原只鱿鱼配香辣蛋黄酱($128)，主菜就叫咗烤焗美式BBQ酱猪肋骨($268)。嘢饮方面餐厅有一大个酒柜display咗各种形式嘅酒，目不暇给。因为我哋都唔系成日饮，所以叫侍应帮我哋推介。红白酒各自叫咗一杯，两杯都好易入口，而且冇涩味，好顺滑。野菜充满牛油同埋蒜香，有四季豆翠玉瓜同埋菇类，又唔会太油。西班牙辣肉肠配酒一流，香味多过辣，系十分称职嘅佐酒小食。鱿鱼劲好食，炸到好酥脆，但系又唔会觉得好粉，滴多两滴香柠汁，再配埋蛋黄酱，劲有冲动嗌多一个。最后上碟嘅系猪肋骨，大过我只手掌！侍应话BBQ酱系佢哋自己整，好惹味。下面仲垫住薯条同埋粟米，我哋两个人都差啲食唔晒。总结呢间餐厅好有惊喜，啱晒情侣过嚟食庆祝饭，嘢食质素好高又有情调。
我哋一行两人叫咗四样嘢，包括西班牙辣肉肠($68), 蒜香橄油炒野菜($88), 脆炸原只鱿鱼配香辣蛋黄酱($128)，主菜就叫咗烤焗美式BBQ酱猪肋骨($268)。
嘢饮方面餐厅有一大个酒柜display咗各种形式嘅酒，目不暇给。因为我哋都唔系成日饮，所以叫侍应帮我哋推介。红白酒各自叫咗一杯，两杯都好易入口，而且冇涩味，好顺滑。
野菜充满牛油同埋蒜香，有四季豆翠玉瓜同埋菇类，又唔会太油。
西班牙辣肉肠配酒一流，香味多过辣，系十分称职嘅佐酒小食。
鱿鱼劲好食，炸到好酥脆，但系又唔会觉得好粉，滴多两滴香柠汁，再配埋蛋黄酱，劲有冲动嗌多一个。
最后上碟嘅系猪肋骨，大过我只手掌！侍应话BBQ酱系佢哋自己整，好惹味。下面仲垫住薯条同埋粟米，我哋两个人都差啲食唔晒。
总结呢间餐厅好有惊喜，啱晒情侣过嚟食庆祝饭，嘢食质素好高又有情调。
张贴
