福川鐵板燒日本料理 (已結業)

放工相约朋友系湾仔食晚餐，拣左呢间铁板烧日式餐厅试一试。先嚟前菜已经有三款，好丰富！分别有苹果醋渍嘅番茄仔底下嘅系苹果醋啫喱，酸味味好开胃～跟住就有胡麻豆腐，质感唔系滑个种但豆香都几足。最后就有南瓜冻汤，好creamy浓浓南瓜味！之后就系刺身嘅部分，估唔到系相机食先嘅部分，先将带子烟熏过，上枱有微微飘烟，同时间满足左眼同口嘅感官享受。带子刺身配埋莎莎酱，变左有点泰式又几出色。依家点任何晚市嘅套餐都会有呢款海胆杯，我地都系到场先知道，好惊喜呢！除左有围边嘅海胆，中间系葱吞拿鱼腩同埋三文鱼子。三文鱼子咸甜度适中配埋海胆一齐食好鲜味！之后就系日本甘鲷鱼，师傅将鳞片都整成脆片，全部都可以食呢，好香口！配埋下面嘅甘笋汤提味，仲有撒上紫苏花嘅香气，令人回味啊！接住奉上一道用日本虾夷鲍鱼整嘅菜式，鲍鱼先煎香，带少少焦香，配埋清甜嘅生海苔蟹肉汤平衡返就刚好！汤嘅蟹肉部分都好颇多，后面仲有用左瑶柱汁熬煮嘅冬瓜片。海鲜仲未完呢，嚟咗一尾大虾，店员提我地先食虾身再食浓味嘅虾头，虾身好爽弹食得出其中嘅鲜味，仲可以蘸底下嘅荷兰汁，酸酸地平衡返海水嘅咸味。完左一系列嘅海鲜后，店员送上一客梨雪葩，为和牛嘅到来铺垫。