喜來稀肉 (登龍街)

营业中

休息中

好耐冇食烧肉，想食一间正宗啲嘅韩国烧肉。咁咁啱今日喺铜锣湾放工之后就周围揾吓有咩食啦。朋友就提议食呢一间烧肉，话有好多好评。我同朋友都系食肉兽嚟嘅，亦都比较钟意食牛肉，所以我哋一共叫咗三款牛肉来烧。三款肉嘅质素都唔错，而且三款都有调味肉，肉嘅味道都唔同，唔会话三款都一样味。另外你食韩国嘢点可以唔叫个紫菜饭呢。呢度嘅紫菜饭仲加咗沙律酱，所以特别好味。可以自己落手整，仲可以当玩埋添。另外仲有个自助吧位置，可以任拎沙律泡菜同埋生菜。啲泡菜都几好食我哋都添加左两次。而且只要你烤肉就会有埋炉边蛋，炉边蛋入边仲加咗啲泡菜，好好味呀。另外值得一提嘅系啲工作人员都好照顾我哋，只要炉黑咗少少，就会即刻帮你换过一个新，唔会影响烧肉嘅质素。