Food Combo (已結業)

今日去开屯门新墟买野，之后见有啲肚饿就入咗food combo 食晚餐。在场所见佢啲set摆得好靓，每一个set都有一个木盘载着。等左几张枱之后终于就到我哋坐低啦，侍应好好礼貌，笑容好亲切，算系香港地来讲难得见到嘅。我就拣咗西班牙炒饭𠮶个餐，同行友人就拣咗葡国鸡饭。每个餐附带一个沙律、小食、餐汤、主菜同水果杯。饮品方面，佢有三款饮品系任饮嘅，两款系冻，一款系二。我就拣咗热嘅饮品，鲜姜红枣桂圆杞子水，饮落都几足料，又唔会好甜。嘢食嚟到喇，个卖相好吸引，我个款沙律系薯仔沙律，都好开胃。小食就系有鸡翼，主菜个西班牙炒饭，比起我平日食传统嘅正宗西班牙炒饭系改良咗一啲嘅，味道无咁咸，相对比较容易入口，同埋健康一啲。至于朋友个饭佢都话好食，我亦都试咗佢𠮶款小食，系虾饼嚟嘅。食完晒之后其实都已经好饱，再食埋个水果杯，好清新，画上一个完美嘅句号。