MUTA Restaurant by ATUM (已結業)

之前食过一次Muta，今次同朋友再食多次，依然高水准！月见鸡肉棒串 $88鸡肉棒串外面煎至香脆，内里肉汁饱满，咬落有软骨。底下铺满酱汁，甜甜咸咸，捞匀蛋黄食十分滋味。寿喜烧牛肉蛋汁炖饭 $178呢个炖饭真系超好味！Risotto硬度perfect，酱汁味道perfect十分creamy，牛肉份量都唔少，值得一试！乌鱼子·香槟奶油马铃薯丸子 $148第一次食乌鱼子，原来系咸咸地，几特别！马铃薯丸子都系第一次尝试，佢出面用面粉包住薯容，食落十分q弹，好饱肚！法式奶油多士 $118法式奶油多士有四大件，每件咬落都好软熟，有淡淡嘅牛奶同肉桂味，淋上糖浆甜而不腻。