春陽茶事 (租庇利街) (已搬遷) 新店位置

新年流流同屋企人去上环办年货，见到春阳茶事呢间新嘅台式饮品店，大排长龙，我就买咗四杯同屋企人分享。饮品包装设计非常有心思，好有新年气氛。台式饮品都系偏甜，所以点左减糖，咁就啱啱好啦。饮品底层有鲜奶布丁同埋仙草，最上层就系鲜奶，整个配搭好夹，入口香滑，整体感觉有点像鲜奶布丁啊，系饮得嘅鲜奶布丁，口感几有趣。个人最钟意呢杯姜汁乌龙鲜奶茶，一打开个盖已经闻到姜汁香味，最啱冬天饮，乌龙茶同鲜奶比例刚好，令香滑嘅鲜奶里边渗出浓茶香，不错不错。饮过咁多间台式饮品，第一次见到有甘蔗鲜奶，饮落感觉几特别，真系似甘蔗汁同牛奶嘅混合，甘蔗既天然甜味好突出，冻饮好清新。讲真呢杯有啲失望，真系同维他柠檬茶冇咩分别，唯独系柠檬味比较自然，明显系用柠檬汁调味，里面有柠檬果肉，不过下次都系试吓其他款式好啲啦。