Quattro's Kitchen (已結業)

今晚同朋友拣左呢间喺太古康怡楼上嘅西餐厅 Quattro's Kitchen。呢度座位宽敞，想揾个地方慢慢食倾下偈就啱晒。精选二人餐 原价$838, 宜家优惠价只需$588。先来干邑龙虾汤，入口香浓龙虾味，加上新鲜大虾，鲜味十足，配餐包食更美味。由于唔食得生冷野，餐厅特别将沙律转左法国蜗牛，蜗牛原只由法国运到，加上香草烤焗，入口热辣辣，质地极为幼滑。薯蓉底有粒粒薯仔口感 表层带点焦香，底层充满牛油香气。巨人安格斯肉眼，呢块肉眼份量十足，肉厚多汁，肉质细致，牛肉味出众，配菜仲非常丰富， 有大啡菇、紫薯片、甘笋、车厘茄、南瓜...等等仲有原个蒜头，同牛肉一齐食更添惹味。最后鲜果cheesecake，水果新鲜甜美，cheese cake浓郁醇滑，系非常高质又饱足嘅一餐。