Felice Cafe & Pasta (已結業)

星期日𠮶日同朋友去铜锣湾行街，下午接近两点𠮶阵有啲肚饿。途经呢间cafe，见到有好多人食紧，应该几好食，所以就入去食lunch啦。我哋一人叫咗一个意粉加一杯饮品。🦀蟹肉咸蛋黄意粉 $98呢个意粉系扁意粉，咸蛋黄味几浓， 捞埋食又唔会太腻，仲有少少蟹肉添。碟意粉都几大碟，应该就算男仔食都会够饱。🦐明太子虾肉忌廉意粉 $108呢个明太子忌廉汁劲浓，仲好creamy，我觉得好食。不过相比起个蟹肉咸蛋黄意粉就会腻少少。虾有五只，本身以为系普通虾仁，食落发现佢应该煎香过，虾味仲好重，有意外惊喜。🥑牛油果乳酸沙冰 $42唔会太甜，几好。同埋可能因为有牛油果，所以口感都几creamy。🍹Unicorn $48系蓝莓沙冰+火龙果沙冰+cream。饮落甜甜地，几清新，同埋火龙果味几浓。因为我钟意火龙果味嘅饮品，所以我钟意呢杯多啲。将啲cream捞埋落沙冰入面，口感就更滑啦。不过我觉得如果有粗饮管会好啲，幼饮管有少少难饮到，我头几啖系直接用口饮。呢间啲食物真系几高质，所以到我两点几食完走嘅时候，成间餐厅都仲系满座，其实都几犀利。