影片
更多
2022-08-22
1465 浏览
太古城中心出名weekend 无办法可以揾位食饭，大部份餐厅都要排队。今日仲早，11:15左右就到咗商场。人流未算多，有啲店舖同餐厅都未开😅今日一个人自私lunch，食唔到好多，餐厅选择又少咗。以为咁早，揾位会易啲，行咗几间适合一人自私lunch嘅餐厅门口都已经有人龙🤦🏻♀️行下行下，经过马莎。其实马莎cafe开咗咁耐，都无试过，因为听过好多comment 都话麻麻，唔值得试😅不过无乜地方有位，而佢又静静哋，又有位，同埋价钱又唔贵。＄88一份套餐，有汤有主食，以太古城嚟讲，好抵。套餐唔包饮品，加＄15可以叫柠檬茶。如果想饮咖啡就要散叫。落单后，职员会俾食物牌，坐低后，食物准备好就会送去你枱，不过记得要自己拎餐具，食完都要自己清理枱面！当汤送上嘅时候，有少少后悔🤦🏻♀️份量好大😂饮惯港式口味嘅浓厚磨菇忌廉汤，觉得哩个汤有啲淡，饮到菇嘅草青味，最后只饮咗半碗。但个面包好好味！牛油系真牛油，唔系植物牛油🧈过多阵，热辣辣千层面就到啦！⚠️ 因为啱啱焗起，食嘅时候要小心，唔好点到盘边‼️配有青瓜同车厘茄伴碟，仲有沙律油醋。千层面嘅份量都好多，不过因为焗嘅关系，避免唔到面层边位无酱嘅面变咗饼干咁脆😂每
今日仲早，11:15左右就到咗商场。人流未算多，有啲店舖同餐厅都未开😅
今日一个人自私lunch，食唔到好多，餐厅选择又少咗。以为咁早，揾位会易啲，行咗几间适合一人自私lunch嘅餐厅门口都已经有人龙🤦🏻♀️
行下行下，经过马莎。
其实马莎cafe开咗咁耐，都无试过，因为听过好多comment 都话麻麻，唔值得试😅
不过无乜地方有位，而佢又静静哋，又有位，同埋价钱又唔贵。
＄88一份套餐，有汤有主食，以太古城嚟讲，好抵。
套餐唔包饮品，加＄15可以叫柠檬茶。如果想饮咖啡就要散叫。
落单后，职员会俾食物牌，坐低后，食物准备好就会送去你枱，不过记得要自己拎餐具，食完都要自己清理枱面！
当汤送上嘅时候，有少少后悔🤦🏻♀️份量好大😂
饮惯港式口味嘅浓厚磨菇忌廉汤，觉得哩个汤有啲淡，饮到菇嘅草青味，最后只饮咗半碗。但个面包好好味！牛油系真牛油，唔系植物牛油🧈
过多阵，热辣辣千层面就到啦！
⚠️ 因为啱啱焗起，食嘅时候要小心，唔好点到盘边‼️
配有青瓜同车厘茄伴碟，仲有沙律油醋。
千层面嘅份量都好多，不过因为焗嘅关系，避免唔到面层边位无酱嘅面变咗饼干咁脆😂
每层肉酱份量好足，好浓稠，味道唔错。
听闻马莎cafe内全部提供嘅食物，都可以系返马莎入面买到，务求令客人食到有质素嘅食物，而且喺屋企都可以食番同一个味道。
整个用餐体验都好满意，用餐嘅时候人流仲系好少，得10个人左右，所以坐得好舒服。
喺太古城揾到一个可以静静咁食饭嘅地方，的确难得。
味道中规中矩，唔算特别出色。
食物份量较大，如果女仔一个人食，可以考虑单点主菜。
张贴
