辛安東元祖奶奶雞 (已結業)

朕对鸡煲可为情有独钟，今日本来想食鸡煲的，但朕既贴身随从今日整天嚷着要食高丽食品，在朕既苦苦思索下，终于想到一个两全其美既方法，就食高丽鸡煲。呢间奶奶鸡朕都唔系第一次食，佢几间分店朕都去过，但呢间既轮候时间系最短既，一入到去梗系叫杯野饮湿湿个口先啦！Cider Rita 梨味，成枝野反转倒插落杯，梨味汽水非常冰冻，清凉解渴。冷海哲，海哲爽口弹牙，加埋芝蔴就哂香口，仲有少少酸醋，够哂开胃既餐前小食。鱿鱼泡菜，高丽泡菜辣辣地，夹埋鱿鱼丝，一爽一滑，有丰富既口感，佐口小食！紫菜饭卷，有青瓜，玉子，红黄萝卜，蟹柳仲有火腿，紫菜够脆口，用料充足。梨蜜鸡翼，鸡翼煮到香脆可口，再烩入梨子汁，酸酸辣辣，可口又开胃。牛肋骨锅，锅内有红白萝卜，煮到非常之𣺉身，吸收哂啲牛肋骨味，而牛肋骨亦煮到香稔松软，一口食落渗出浓浓既牛味！赞！！！终于到主角出场，奶奶鸡全只，朕叫左小辣，鸡肉炒至嫩滑香口，另外配料亦煮至冧身，个底亦加左个薯粉底（好Q）加埋本身既汁料略带微辣，香味浓郁，令人一试难忘。－－－－－完－－－－－