寶哥火鍋味館 (已結業)

今晚阿头请食饭，一向节俭的佢，竟然一反常态，有少少担心......地点佢拣，位于弥敦道旁的横街中，冇人带路应该唔会知道。佢话系任食火锅，唔使同佢客气㖞。上到去，环境又几好噃二人都有卡位坐，配料放满都仲有位剩，一D都唔会逼夹，呢到只系一部份咋。呢两张 order 纸，系可以任食的配料。其他仲有D刺身呀海鲜呀靓牛呀等等就按人头只出一 round， 火锅放题的老规矩啦。刺身拼盘，劲多种类，有左口、赤贝、甜虾、希灵、八爪、鱿鱼，甚至连牛肉刺身都有 另一个最欣赏系鲩鱼腩，又肥又大条仲好够脆，叫左几 round 。大虾够大够新鲜，不过好似只限一 round 。黄沙猪润仔，耐心地烚紧紧熟，真的正到喊 手打三宝丸，系招牌，必叫必叫 ！ 好弹牙，有虾味，有鱼味，有墨鱼味，好好味。鲍鱼 BB 就弱左少少，好过冇啦⋯⋯仲有黑柏叶都 good 的，好爽口。特色野，百花酿油条，都几新奇，但好难掌握要烚几耐啰，烚得耐件油条会太淋，烚得唔够又怕百花唔熟，十分懊恼深海墨鱼须坚大条，令我回想起条世杯墨鱼保罗呀墨汁丸味不算浓，牛筋丸正正当然唔少得靓牛，质素唔错有样你睇。野猪肉眼筋，熟左的（下）同真身（上）放埋一齐大合照。