築地日本料理 (結志街) (已結業)

经朋友介绍，嚟到中环依家CP值高嘅日式居酒屋。日色嘅装修同布置，令人感觉真系去咗日本一样，而且座位宽躺舒适。墙上更有唔少经典嘅日剧、动漫等海报，勾起唔少童年回忆，打卡一流！午市套餐选择多，而且价钱适中，CP值高。筑地一口和牛丼定食依个和牛丼与众不同嘅地方在于加入左大量菇菌，令到整体味道唔会单调，又冇盖过和牛嘅味道，做到互相衬托。和牛粒牛味浓郁，肉质细嫩肥美，油脂分布平均，肉汁喺口入面不断爆发，每一口都好满足! 原条蒲烧鳗鱼饭定食原条鳗鱼有成只碟咁长，卖相相当震撼，而且非常厚身肥美。表面烧至微微香脆，散发淡淡炭火香味，但入面嘅肉身则爽弹有口感，酱汁经过师傅秘制，稠身且味道浓郁，甜到刚好，加埋蛋丝同渍物，送饭一流。