燒肉の牛太・本陣 (創紀之城五期(apm))

营业中

休息中

一个人原来都可以尽庆，食lunch食烧肉CP值超高。平时系牛太会食和牛烧肉放题，但原来Lunch set仲抵食。午市烧肉定食最平$99就食到，肉份量仲超级多。除咗定量嘅肉，仲有汤、前菜、饮品。仲未完，出面有一个自助柜可以任夹任装，有泡菜、沙律、甜品、生果，真系多嘢食到痴晒线。我叫嘅上级牛肋肉烧肉定食，足足有成12片靓嘅牛肋肉，仲要大片有厚度。出去散叫一碟都要百几蚊，但成个餐只系$149(有加一)，真系去cafe都贵过佢。就算你好似我一个人都欢迎入去，坐得几舒服，限时2小时。佢仲有一款烧肉combo餐，就系定量烧肉加一个主食。烧肉份量少啲，赶时间就呢款啱啲。