茶茶台式料理 (已結業)

茶茶台式料理餐厅有开扬嘅落地玻璃，光线明亮坐得舒服，环境方面好加分，唔少得嘅系播住台湾歌手嘅歌，感觉返晒嚟🥰🌀香肠卤肉饭卖相相当唔错，卤肉同台湾肠色泽油润台湾肠份量够晒多，肥瘦比例适中，口感同味道都属中上水准卤肉部份则较多瘦肉，唔会肥腻，较特别嘅系偏重八角味，比平时食嘅卤肉多一分香料味🌀台式红烧牛肉面汤底牛味浓郁，而且最钟意佢够晒热，非常适合冬天，食完即刻暖笠笠❤️面质爽弹，红烧牛肉炆至软腍，嫩得嚟保留牛肉嘅口感，诚意十足👍🏽🌀盐酥鸡盐酥鸡炸粉偏厚但香脆，一食系会停唔到口🌀手抓葱油饼金黄色嘅葱油饼烟烟韧韧，配上甜辣酱，简单但唔单调