616燒肉酒場 (已結業)

今日系嚟试佢哋嘅和牛，就叫咗午市澳洲和牛同日本和牛各一set，再散叫其他嘢。自家制冰话梅小蕃茄🍅呢个必叫，酸酸甜甜，连皮都去埋，一流嘅前菜。刺身五点盛有三文鱼、带子、油甘鱼、赤虾、拖罗，估唔到质素都咁高日本和牛定食有牛小排粒、牛肋条、三角肉、牛肩肉，一半烧汁，一半原味。见到牛肩肉啲花纹已经知道几高质。餐已经包括蟹肉茶碗蒸同埋白饭。澳洲和牛定食包括肉眼上盖、横隔膜、牛肋条、牛腹肉。油份冇日本和牛咁多，但系都系好淋滑黑毛和牛西冷薄烧薄切就可以快烧，加埋酱油蛋汁同饭团真心正。澳洲和牛牛肋条酱渍原条牛肋条，有𠝹花纹令佢容易啲熟。之后再用铰剪剪开食。狮子王饭卷唔够叫埋寿司食，呢个卷啲木鱼碎好似狮子毛咁，入面有鳗鱼、忌廉芝士、芒果、牛肉。最后午市加$5可以有个雪糕清一清个口。原来宜家午市套餐有八折，记得早啲去唔洗等位呀。