影片
更多
2022-12-20
110 浏览
由佢装修开始已经有留意，几次食饭时间经过茶舍都见到满座同出面有人等位等外卖，估计都唔错，今晚收工终于有机会试一试佢～晚餐都几多选择，分厨师之选、汤饭、和风之意、焗类、pizza、滑蛋包饭⋯⋯价钱唔贵掋食之余全部都会送热饮！我哋叫咗两个餐，所以卷咗杯热朱古力仲有得拣多奶同埋热柠檬茶～叫左2个小食，蒜香鸡中翼嚟到嘅时候仲系热辣辣，应该系即叫即炸，旁边仲好贴心咁加咗少少沙律，中和返冇咁热气～白汁芝士焗西兰花份量非常之够，面头加咗芝士，个汁仲加咗蘑菇忌廉培根，西兰花煮得好𣺉唔会焗到硬掘掘～三重芝士焗鲜茄牛脷饭系珍珠米炒饭底，面头真系食得出系三种唔同嘅芝士，同埋原只焗盘上所以非常之热，唔怕天气冻放多一阵会冻哂，牛脷厚切一粒粒𣺉身一啲都唔烟靭！烟三文鱼火箭菜pizza，呢个价钱来讲非常之抵，两个人食啱啱好，饼底都有啲厚度唔系好薄果只，芝士下面有粟米粒、洋葱粒、蘑菇同埋烟三文鱼，面头就铺咗火箭菜！下次想试埋佢个冬阴功鸡肉pizza，同埋波士顿龙虾，临走嘅时候仲发现加$16仲可以追加蛋糕添！
由佢装修开始已经有留意，几次食饭时间经过茶舍都见到满座同出面有人等位等外卖，估计都唔错，今晚收工终于有机会试一试佢～
晚餐都几多选择，分厨师之选、汤饭、和风之意、焗类、pizza、滑蛋包饭⋯⋯价钱唔贵掋食之余全部都会送热饮！我哋叫咗两个餐，所以卷咗杯热朱古力仲有得拣多奶同埋热柠檬茶～
叫左2个小食，蒜香鸡中翼嚟到嘅时候仲系热辣辣，应该系即叫即炸，旁边仲好贴心咁加咗少少沙律，中和返冇咁热气～
白汁芝士焗西兰花份量非常之够，面头加咗芝士，个汁仲加咗蘑菇忌廉培根，西兰花煮得好𣺉唔会焗到硬掘掘～
三重芝士焗鲜茄牛脷饭系珍珠米炒饭底，面头真系食得出系三种唔同嘅芝士，同埋原只焗盘上所以非常之热，唔怕天气冻放多一阵会冻哂，牛脷厚切一粒粒𣺉身一啲都唔烟靭！
烟三文鱼火箭菜pizza，呢个价钱来讲非常之抵，两个人食啱啱好，饼底都有啲厚度唔系好薄果只，芝士下面有粟米粒、洋葱粒、蘑菇同埋烟三文鱼，面头就铺咗火箭菜！下次想试埋佢个冬阴功鸡肉pizza，同埋波士顿龙虾，临走嘅时候仲发现加$16仲可以追加蛋糕添！
张贴
