沙嗲王 (眾安街) (已結業)

话说自己喺中学嘅时代好钟意食沙爹王，尤其是系白咖喱猪扒饭。由于屋企人畀咗张优惠券比我，所以今日就做一个精明嘅师奶仔，去沙嗲王睇下水准有冇退步到先。一打开menu，都系set lunch，大家留意返祇有星期一至五有set lunch。星期六日系冇嘅。虽然初头我好想点白咖喱猪扒饭，但突然间见到有个香茅猪扒粒饭，仲要系平咗啲添，所以就一于试新嘢。老实讲，佢做得优惠嘅饭，对佢嘅卖相都冇任何嘅幻想，朱扒嘅分量点都及唔上白咖喱猪扒饭嘅猪扒个喇，不过猪扒依然系松软嘅。酱汁方面佢用咗黄咖哩，味道系唔差嘅。溏心蛋都没有欺场，蛋黄好幼滑creamy。冻奶茶就一般喇，冇茶餐厅咁重嘅茶味，不过整体嚟讲都香滑嘅。总结就系优惠嘅饭不过不失啦，下次都系食返招牌菜会比较好。