影片
更多
2018-04-19
34 浏览
今晚真系一次过满足晒我三个愿望：鸡煲，海鲜锅同刺身「吃到饱」！首先一坐低，侍应哥哥已经奉上一个象拔蚌刺身，佢话呢个系庆祝伦哥三周年送既！虽然系送，但食落好鲜甜好新鲜!正！之后佢送上个生果拼盘连生果醋，感觉好清新，淸左之前刺身嘅味蕾。望吓墙上嘅poster先发现原来呢个水果有名堂，叫「风山水起」，介绍佢系饭前吃水果配果醋的好处，帮助消化！再上嘅系一个蚝汁鲍鱼炆冬菇，好入味。终于到主菜啦，侍应哥哥好细心教我地，鸡煲要每隔两分钟炒一次，共炒四次，就可保持鸡既鲜嫩。之后到一半再加埋牛柏叶猪皮同鱿鱼，d料就会够晒入味架啦！中间待应哥哥一路帮我地炒，我地一路聼到煲里面传黎既支支咋咋声，好过瘾。每次开炉𠮶阵鸡煲味涌出嚟，香到好想即刻夹！失体死人！hehe! 鱿鱼加埋d鸡汁真系爽口弹牙，d鸡仲可以免费任加！问你死未？！食完鸡煲仲有个海鲜拼盘！海鲜拼盘有BB象拔蚌，贵妃蚌，龙趸片，脆肉魭，鱿鱼片，生蚝，蟹，大花甲同蚬肉。大中细蚬全部一家人齐齐系哂度！仲要加埋我最爱既牛颈脊一大盘！我呢个牛魔王极力推介，个牛好松软好有牛味！完全估佢唔到！配埋个时令水果锅，好特别! 个汤底好清唔油腻，唔使点豉油酱汁都已经好好
首先一坐低，侍应哥哥已经奉上一个象拔蚌刺身，
佢话呢个系庆祝伦哥三周年送既！虽然系送，但食落好鲜甜好新鲜!正！
之后佢送上个生果拼盘连生果醋，感觉好清新，淸左之前刺身嘅味蕾。望吓墙上嘅poster先发现原来呢个水果有名堂，叫「风山水起」，介绍佢系饭前吃水果配果醋的好处，帮助消化！
再上嘅系一个蚝汁鲍鱼炆冬菇，好入味。
终于到主菜啦，侍应哥哥好细心教我地，鸡煲要每隔两分钟炒一次，共炒四次，就可保持鸡既鲜嫩。之后到一半再加埋牛柏叶猪皮同鱿鱼，d料就会够晒入味架啦！中间待应哥哥一路帮我地炒，我地一路聼到煲里面传黎既支支咋咋声，好过瘾。每次开炉𠮶阵鸡煲味涌出嚟，香到好想即刻夹！失体死人！hehe! 鱿鱼加埋d鸡汁真系爽口弹牙，d鸡仲可以免费任加！问你死未？！
食完鸡煲仲有个海鲜拼盘！海鲜拼盘有BB象拔蚌，贵妃蚌，龙趸片，脆肉魭，鱿鱼片，生蚝，蟹，大花甲同蚬肉。大中细蚬全部一家人齐齐系哂度！仲要加埋我最爱既牛颈脊一大盘！我呢个牛魔王极力推介，个牛好松软好有牛味！完全估佢唔到！配埋个时令水果锅，好特别! 个汤底好清唔油腻，唔使点豉油酱汁都已经好好味！汤里面仲有士多啤梨木瓜西瓜同粟米！好得意！
除此之外，仲肉即炸鱼皮同响铃，芝士肠蟹柳午餐肉韭菜云吞鲜虾云吞水饺芝士丸墨鱼滑虾滑芝士年糕鱼蛋蔬菜拼盘，等等！多到数唔晒！墨鱼滑里面真系有啖啖墨鱼肉！我第一次食到呢只层次咁丰富嘅墨鱼滑啰！
最后食到饱饱，甜美嘅侍应姐姐仲要送埋一个甜品俾我哋食，真系肥两磅都抵啊！
买单两个人先系六百几，又有专人服侍，又有人教你点煑！啲海鲜又新鲜！啲牛肉又正！真系冇谂过有咁髙质素嘅任食火锅放题！
一定要吹鸡同朋友再黎！
张贴
