翠河餐廳 (已結業)

「翠河」算喺晌美孚较常帮衬嘅茶记，一来地方大，啲位够阔落，环境光猛，二来食过好几次早餐，都觉得唔错，又抵食。其实，晌呢间「翠河」侧边，有自家嘅面包店「翠河面包」，老实讲，佢哋嘅面包未真正帮衬过，有嘅都喺晌餐厅所食到嘅多士。今次想写写间店嘅蛋挞，因为走匀成个美孚区，佢啲蛋挞平到无朋友，卖$5个，呢个价好几间面包铺都差唔多，不过，$10有3个，喺咪平到唔信。旁边嘅椰挞都喺同价，所以，可以两沟咁买。所以，同朋友行完山返到嚟美孚，就顺道买两个蛋挞+一个椰挞返去同老婆下午茶。蛋挞蛋挞嘅外观就唔失礼，返到屋企我哋会烘一烘翻热，所以，入口都几松脆，而佢哋嘅挞壳喺牛油皮，所以，都几甘香，而蛋挞馅亦几有蛋香，口感颇软滑。椰挞椰挞依家越嚟越少面包铺会做，因为食嘅人越嚟越少，我个人嚟讲，对椰挞都OK嘅。挞壳同样喺以牛油皮做，中间就填满椰蓉馅，都几有椰香味，感觉唔错。老实讲，10蚊有3件挞，质素又唔喺差，你仲想点，都可以讲喺价廉物美啦。