魔膳工房 (已易手) 新餐厅

是日到觀塘開會，會後觀塘的經理說請我食dinner，多謝我一路既辛勞，太好了。地點是他們公司附近的工廈餐廳，佢地話成日黎呢度食lunch，好多野食。先點左個海鮮拼盤，有凍蝦、翡翠螺、青口、鮑魚、一大隻麵包蟹。海鮮好新鮮，凍蝦爽口彈牙，翡翠螺、青口新鮮，肉質爽，無臭味。鮑魚我無食到。麵包蟹超多膏，d膏好香濃，但解肉略實，不知是否因太大隻問題！食左呢d都點點full，仲要一人叫左一個set dinner，OMG!Set dinner 每人仲可加38蚊就可任食salad bar，但由於食唔到咁多，所以我無加到。阿豬叫左BBQ醬燒豬肋排骨，上枱好大的一份，好彩無加salad bar者，一定食唔哂。燒豬肋排骨肉比出面的多些少，不知是否隻豬太肥，好似我咁多肉呢？嘻嘻…豬肋排骨非常入味，幾甜下，肉質軟淋，非常正。另外叫左熱桂花蜜花茶，香係幾香，但太甜了！食完後，經理話帶我去食埋甜品，有間幾出名下。我看了一下我的肚腩，心想：希望食得落啦！