We Corner (已結業)

去开佐敦，见到呢间装修得好有格调嘅餐厅，餐牌啲食物都几吸引，就一于试吓。是日餐汤职员好快就送上一人一份餐汤，今日嘅餐汤系罗宋汤，好多蔬菜粒，酸酸地几开胃。小茴番茄手撕猪手工意大利面 $118一丝丝嘅手撕猪肉质软嫩，索满酱汁；呢款手工意大利面比较幼身，同浓浓嘅茴香番茄好夹好好食。蒜香左口鱼裙边手工扁意粉 $138左口鱼鱼油丰富甘香，表面微薰，啲鱼肉半生熟噉，嫩滑柔软呢款手工扁意粉好有咬口，弹牙烟韧，蒜味香浓。Tiramisu $88建议再饱都一定要试吓呢个Tiramisu，唔会太甜，有阵阵酒香；上面啲cream幼滑香浓，啲手指饼浸满浓浓嘅咖啡，但同时又可以保持脆口，每一啖都令人满足！焙茶鲜奶$48见到个拉花真系「哗」出声，好靓嘅独角兽茶奶比例恰到好处，茶味甘香，奶味顺滑。