We Corner (已結業)

牛柳粒超好食！一口一粒爆香牛香汁！食到滿口牛肉味！牛油果脆片食唔停口！酸甜開胃！左口魚裙邊手工扁意粉，手工意粉軟硬度適中！意粉非常掛汁！啖啖濃郁蒜香汁入口！左口魚裙邊又香又滑！好味到食完想再食一碟！一大班朋友慶生日，老闆娘出甜品擺盤靚到唔捨得食！窩夫香脆內軟！Tiramisu係酒店級數！濕濕地仲有淡淡酒味加上脆餅乾好味到無得頂！香滑雲呢拿雪糕邊仲有杏仁果仁配搭充滿咬口！絕對要食到最後結尾的大滿足晚餐！

有趣的餐廳🙂首先，送上了一碗可能係南瓜湯？唔好意思，因為你哋黑胡椒落得太重手，辣到我同同行嘅朋友都唔係好飲到佢係咩湯。我哋兩個人叫咗兩杯咖啡，一個左口魚意粉，一個小龍蝦牛角包。個意粉預咗係油啲，同預期一樣😃 只係又係愈食愈辣嘅。不過好彩！食完終於嚟啦杯咖啡！有嘢飲下。而個拉花就⋯再努力💪🏻 好啦～ 等咗好耐都未上最期待嘅小龍蝦牛角包，係都未到嘅！而佢出場之前，店員放低過唔知幾多杯&碟唔係我哋叫嘅飲品&食物，係我哋枱🥲，唔知係咪全場人都用同一個QR code嘅呢？ 咩都拎比我哋，覺得我哋叫咗咁多嘢？但真係個碟同另一杯咖啡就一直都唔出現。問店員：店員check返原來比咗隔離枱，而人哋都食完（可想而知我哋等咗幾耐🙃），唔好意思都冇句。另一杯咖啡，一催再催先到，遲過我哋半個鐘入嚟食嘅人，都有嘢食有嘢飲了。咁好啦，個牛角包終於都到，果然係小龍蝦，一開始仲要冇比到隻龍蝦我哋，哦～ 回收返再上多次，果然係小龍蝦🦞，連入面啲肉粒都特別少，點解同我睇啲review/KOL嘅咁大分別嘅？兩個人食咗差唔多四百蚊都唔緊要，但成個dining experience 都好失望，一定唔會有下次。

ᴡᴇ ᴄᴏʀɴᴇʀ ☕️無意中發現這間坐落於佐敦的一間小小Cafe，在繁忙的鬧市中，給你一個喘息的角落。六點前餐廳會提供Tea Time Menu，價錢親民，有牛角包、酸種多士、窩夫以及All day breakfast可供選擇。餐廳裝潢設計很特別，主要以石灰水泥的工業風格設計，飾物和牆身句子都與宗教有關，給人一種療癒和放鬆的感覺。食物質素和服務態度都不錯，在這裡消磨了一個下午，必定會再次在晚餐時段光顧😋期待！🥐牛油果蓉蟹肉牛角包☕️洋甘菊花茶💰$68價錢非常親民，抵食！裝廳裝潢🐑🐑🐑🐑🐑🐑🐑🐑

今日第一次同朋友嚟，坐得好舒服，可能今日落大雨，少人，唔經唔覺我哋坐左四個鐘頭。店員好nice，無論接電話嗰位，落單嗰位，傳菜，幫手收碟，到最後埋單，都好有禮貌。朋友食咗個爆汁芝士小龍蝦肉大牛角配番薯條，賣相唔錯，好食夾大件👍🏻 我個忌廉芝士牛油果三文魚配酸種麵包多士，個三文魚口感同味道都好好，而且唔細塊，配埋個醬汁好好食👍🏻 Nutty latte拉花同飲落都OK。 個Tiramisu有驚喜，又係大大件，口感味道都好，唔會太甜，一啲都唔膩，食完個牛油果三文魚配酸種麵包多士，本來已經飽，但係因為個Tiramusu真係好食，唔覺唔覺又食晒👍🏻 值得支持！下次會再嚟😊

一間基督徒開嘅餐廳✝️簡單裝修令人舒服，枱上會有張金句咭，好鼓勵人心。超有正能量。雖然唔似其他餐廳有吸晴裝橫，但有舒適自在嘅環境。坐得耐都唔會趕客走😅😅😅老闆娘親民，會一齊傾計又送新品試食。整體：價錢合理，味道很好，份量足夠有餘😚三五知己聚會、2-30人包場，場地食物招呼值得推介👍🏻👍🏻👍🏻

裝潢幾簡潔又帶點型格工業風，坐得舒服自在～下午茶餐睇落都幾抵食，下次可以再試吓👍🏻羅宋湯，正常水準，食到啖啖蔬菜爆汁芝士小龍蝦肉牛角包配蕃薯條($138)聽個名都覺得吸引，龍蝦堡就食過，但係小龍蝦整嘅包真係第一次，肉質彈牙，幾有新鮮感😬連埋芝士醬一齊食夠晒濃郁，炸蕃薯條好好味～好鐘意👍🏻蒜香左口魚裙邊手工扁意粉($138)又係幾有新鮮感，用咗煎香嘅左口魚配搭，質感滑嘟嘟，菇類增加咗唔少口感👍🏻蒜香味濃，好味😋意粉手工製成，非常有咬口👍🏻👍🏻海鹽焦糖奶昔($55)唔會錯嘅配搭，焦糖味足，好香甜～黑糖鮮奶($48)夜晚廢事飲咖啡訓唔著，不然好想飲咖啡🤭呢杯黑糖鮮奶好似飲緊珍奶咁，好飲～

佐敦手工意大利麵咖啡室🍝以前要吃到手工制的意大利麵需要到傳統餐廳，幸好近幾年興起了手工意大利麵小店，價格親民，很多人都喜愛其製作新鮮，麵條口感煙韌富有蛋香。😜佐敦有一間開業不久的手工意大利面咖啡室☕️，工業風的裝修🏚️，場上掛上不少基督教金句「用神的目光看世界」😇，別具特色，打卡一流。🐟蒜香左口魚裙邊手工扁意粉🍝 $138左口魚肉非常鮮嫩，配合蘑菇洋蔥香蒜，非常鮮味。🦐大蝦配松葉蟹膏手工意大利麵 🍝$208手工制麵條非常彈牙順滑，質感比較粗，能夠更好地吸收蟹膏，配合大蝦的鮮味，口感一流。🍋檸檬撻伴雪糕🍓$78檸檬撻微酸，水果的清新和雪糕的甜味中和了檸檬酸味。📍We Corner🏠 佐敦柯士甸道105號百安大廈地下E02B號舖⏰星期一至日 09:00-22:00🚙佐敦站D出口

經開四喜 發現附近開左間新既cafe 裝潢唔錯 空間感又十足就去試下 下午茶時間黎到有好多野揀 主餐牌 、午餐 同 下午茶 午餐就包飲品 下午茶就可以有優惠價配飲品 小茴手撕豬班尼迪酸種多士配蕃薯條手撕豬撕到好幼細多士烤到好脆 加埋班尼迪 同d 醬汁一齊食 幾清新 蕃薯條 好粗好大條 呢個portion一般女仔都夠食 焗小龍蝦芝士通粉小龍蝦切粒 份量都幾多 每啖通粉都可以食到小龍蝦 通粉用左長通粉 更掛汁 佢個醬汁幾特別 一般芝士焗既野會愈食愈濟 但呢個唔會 仲幾開胃 食晒成碟都冇問題配特調手搖檸檬薄荷茶 唔會好甜 加左薄荷茶更清新麻辣烤雞小涼手工意大利粉好似fusion 菜咁 麻辣 mix 意粉 雖然加左麻辣粉 烤雞唔會話好辣仲有青瓜 、番茄 呢d 小配菜 有少少似平時食開冷麵 但因為手工意粉 食落更煙韌其實仲好想試佢既甜品 不過已經好飽了 下次一定會再黎

Flat White $43杯咖啡個拉花好靚呀😍有啲唔捨得飲嘅感覺Dirty $43口感上的變化由濃到淡，開始聞到濃烈的香氣，然後飲到熱濃縮與冷牛奶的雙重口感，這真是我喜歡Dirty 的原因。大號軟殼蟹特級蟹黃燴飯 $228軟殼蟹非常新鮮，煎得非常香脆，蟹黃燴飯口感非常creamy ，味道非常濃厚，令我吃完一口接一口😋😋😋大號軟殼蟹特級蟹黃燴飯 $228黑松露大啡菇手造意大利麵 $108黑松露味道和香氣非常突出，大啡菇本身水份豐富，烹調之後，水份充分保留之餘，不會水汪汪影響意粉嘅味道。一口意粉，一口大啡菇，令到味道層次豐富多了。提拉米蘇 $88Tiramisù 最正係咖啡味的手指餅加上Mascarpone，再加上無糖嘅可可粉，識落唔係太甜，口感細膩飽滿，唔覺唔覺我就自己一個人食晒。🤭🤭🤭位於佐敦地鐵站D出口步行2分鐘餐廳裝修時尚，環境清潔，同朋友食飯傾偈chill吓，非常👍🏻👍🏻👍🏻

今晚約咗一個好耐冇見嘅朋友，想傾偈傾耐啲，所以就去咗Cafe食dinner喺佐敦附近就有一間新開嘅Cafe ，喺佐敦地鐵站行幾分鐘就到，地理位置好方便！花雕蟹黃軟殼蟹燴意大利飯軟殼蟹好脆，而且都好大隻，下面配上嘅蟹黃risotto本身都驚佢會有啲膩，但點知食落又唔會，有蟹黃嘅鮮味，朋友都讚呢個好好味！！小茴蕃茄手撕豬手工麵手工麵喺比較幼身，好掛汁，而且好煙韌，蕃茄汁好開胃，小茴香嘅味道獨特，配上蕃茄嘅味道幾特別～出面比較難食到最後當然要食甜品法式吐司配自選生果，有士多啤梨，芒果，奇異果選擇,我就選咗奇異果法式多士有兩大片，煎得金黃，充滿蛋香，配上肉桂更加香味十足上面中配有雲呢拿雪糕，配法式多士食一流~

今晚去佐敦行完順便想食晚餐，見到呢間cafe幾靚，就入左去食。入去見cafe都係行簡約清新風格，睇落幾舒服。餐湯：番茄忌廉湯甜甜地又幾好飲，番茄湯又開胃，唔錯。香蒜和牛炒飯（$178）：和牛炒得好香，加上蒜片係好夾，蒜香味好重。和牛完全唔會韌，好鮮嫩多汁，好易入口，好香口，幾正。有時出面餐廳食的牛會有點韌，但這個真的完全不會。花雕蟹黃軟殼蟹燴意大利飯（$228）：入面好多蟹黃，真的好香，蟹黃味本身已經餸飯一流，然後軟殼蟹份量好多，啖啖肉，又好鮮味，真係正。而d飯好多汁好軟熟，又索哂d蟹黃汁，真係好好食。埋單2個人食晚餐都係$447 ，環境舒適，坐得幾舒服，食物質素都令人滿意，都幾好食，唔錯，會考慮再去。

依家Cafe我幫襯嗰陣，其實開咗冇幾耐，都係見到人哋上網推介，於是我就過去試吓Cafe環境幾靚，不過有樣唔好嘅地方就係迫咗少少，對老闆嚟講可能係好事，因為生意興隆😂叫咗幾樣嘢食試吓牛角包好正！龍蝦餡料同埋個包味道好夾，側邊嘅番薯薯條都好香好脆好好食！由於我好鍾意食意粉，所以我就叫咗兩個手工意粉試吓味道點意份既份量剛剛好，如果想share嘅話我覺得唔會好夠，但係味道真係好好！依個左口魚係裙邊意粉，上面嘅左口魚裙邊既油份好香，意粉嘅質地係我鍾意嘅煙靭質地，加埋個少少辣嘅汁，掛曬係意粉上面，我覺得好開胃！呢個係大蝦配松葉蟹膏意粉，質地同頭先個意粉一樣，都係我鍾意嘅煙靭質地！蟹膏用咗來做汁，令到個意粉好香，至於嗰兩隻蝦其實都size幾大架！不過兩個意粉相比之下，我會鍾意第一個多啲，因為依個意粉食耐咗我覺得有少少膩😂如果經過佐敦嘅話，我覺得真係要來呢度試一試，真係一間唔錯嘅Cafe😎！

放工約左班朋友仔食飯 之前經過好想we corner 今次就約 埋班fd 一齊食 炸薯條配黑松露醬 即炸薯條超脆超好味 加埋個黑松露醬真係 無得輸！ 成個配合好邪惡 食到完全停唔到爆汁芝士小龍蝦肉牛角包配蕃薯條 牛角包好鬆脆 芝士龍蝦肉放係牛頭角包入面 一咬勁juicy 夾埋一齊食又match 出面好小見 食完好想再encore 花雕蟹黃軟殼蟹燴意大利飯 本身我係意大利飯粉絲 呢碟意大利飯上面有原隻軟殼蟹 另外仲有d菇去點綴 成個口感好出色小茴蕃茄手撕豬手工意大利麵 手工意大利麵口感軟硬適中 食落好煙煙韌韌 手撕豬肉質好嫩滑 蕃茄醬超濃 令到成日組合更加出色蒜香左口魚裙邊手工扁意粉 呢個意粉超重蒜味 令到成碟意粉更香口 左口魚肉好嫩滑而且唔腥 另外仲有白菇同洋蔥做配料食到停唔到口中炸雞翼 雞翼炸到外脆內軟 脆度岩岩好 另外雞翼仲配埋辣粉令到味道加出色

今日去咗佐敦朋友公司附近的一間cafe 食一個late lunch 加下午茶🤭朋友說 嘅手工意粉好好味,一定要試😚［We Corner] 裝修簡單但感覺很舒服🤗黑松露大啡菇手工意大利麵,黑松露醬汁味道剛剛好,手工意大利麵口感煙韌而且很掛汁！果然不錯😚Tea Set 我們選擇了,自製窩夫配焦糖香蕉,賣相不錯,窩夫外脆內軟,口感煙韌😙還有一球雪糕,大滿足🤭朱古力心太軟伴雪糕,朱古力味濃,配上雪糕一起食好好味🤩

冇見我既好閨蜜一排 係時候要見下面約響cafe可以慢慢坐 慢慢傾之前食過一次呢間覺得唔錯 今次推介比佢原本book 2:30 但係佢遲大到 3:00先到去到好彩人地都有位Free 蘑菇湯我個人真係好鐘意飲蘑菇湯 佢味道ok 但有d稀海鹽焦糖咖啡Matcha Latte好濃既綠茶味 唔會太甜 岩岩好檸檬胡椒雞翼好香口 好入味 檸檬汁好濃唔止係表面既檸檬粉既味好似係用檸檬浸過咁入味爆汁芝士小龍蝦肉牛角包配番薯條呢個特別推介比我閨蜜食過一次已經好難忘黑松露大啡菇手造意大利麵聞落已經好香黑松露味 但食落菇味比較重有少少搶左個黑松露味 但總括都好食既