Shine (已結業)

朋友系油尖旺区返工，放工就决定系附近食个饭。间餐厅个入口有少少难揾，我都要用左少少时间去揾......Mix Berry Yogurt呢杯系间餐厅推介，杯粉红色饮品味道唔错，唔会好甜，面头𠮶cream仲好滑，生果都好新鲜！芝士菠菜意大利云吞配烟肉南瓜汁云吞煮嘅时间掌握得几好，入面嘅芝士菠菜比例均匀，个南瓜汁同云吞好夹，仲有粒粒烟肉好有咬口。脆炸德国咸猪手配蜜糖芥末酱只猪手比想像中大，个皮炸得好脆，啲肉好有咬口，而且唔会炸到冇晒肉汁。火焰雪山甜品表面个蛋白质感做得几好，入面仲有惊喜，有唔同味嘅雪糕同蛋糕，分别系士多啤梨、朱古力同vanilla味，佢嘅饱肚程度远超我哋想像！餐厅环境够宁静，适合一班想倾密计嘅朋友去。