石一燒 (九龍城) (已結業)

估唔到系九龙城呢个闹市之中竟然有一个世外桃源，石一烧推崇嘅喺系呢个甘急速既城市生活中，反其道而行「慢活」下来，令人在享受食物的过程中感到自主！一进店就比人好放松嘅感觉，完全唔会有好嘈吵好挤迫嘅感觉！岩晒同三五知己放工后一齐食下嘢吹下水，好chill好relax!成个套餐入面另外印象深刻嘅系…1）洋葱估唔到呢！佢哋上石烧嘅时候会附带一啲洋葱喺石上面，一路等旧石头热嘅时候一路就闻到洋葱嘅香味，就连我唔系好食洋葱嘅人都即刻好开胃！而食到最后将唔同种类嘅菇连埋洋葱一齐烧，仲可以令到菇类吸收晒洋葱嘅香味！2）英国羊西冷原本我好惊食羊因为好怕羊臊味，但佢呢个羊无咩臊味，但又可以保持到烤羊肉既香味；而且佢嘅肉质都好令我惊喜，完全唔会好鞋好靭，一咬就得好嫩！3）抹茶雪糕呢个雪糕仲可以自己亲手DIY个抹茶汁，然后再倒落个雪糕度，有得玩又有得食好岩我！而且佢个雪糕应该系牛奶味，非常之香浓顺滑，加埋个抹茶汁中和返佢嘅甜味啱啱好！店员嘅服务都非常之好，上炉嘅时候都会温馨提醒我哋旧石有三百度，仲同我哋讲返最佳嘅烤肉时间，当然你想烤几耐就几耐呢个系绝对冇问题！