滿江紅 (已結業)

约左朋友到尖沙嘴行街直落食dinner,咁岩我地都好钟意识食四川菜，所以我地就拣左一间几出名既川菜餐厅到食野。佢既位置好方便，就喺正龙城药房对面。环境方面，佢既装修系中国风，坐得好舒服。点完菜，侍应就会送上小食，有卤蛋同海带丝。我地点左一啲前菜，包括蒜泥白肉同埋皮蛋豆腐。蒜泥白肉真系几特别，同出面𠮶啲好唔同，佢系好通透，薄薄一片，加埋啲蒜泥真系好好味。皮蛋豆腐既皮蛋黄系有少少流心，配埋滑滑既豆腐一齐食，正！粉面方面，我地叫左鸡丝麻辣伴凉粉同埋担担面，呢度既凉粉唔系出面啲扁扁既凉粉，而系圆形既，而且食落去好滑。担担面好有麻酱既味道，一啖一滋味！黎食四川菜，当然要食啲水煮菜式啦！我地就叫左水煮黄蟮片。呢个菜望落真系满江红，不过我地叫左小辣，所以食落去都可以接受，岩唔系太食得辣既人既口味。仲有葱爆羊肉同带子炒鲜奶都唔错！最后，我地仲一人点左碗酒酿丸子，完美既ending!顺带一提，呢度既哈密瓜汁同火龙果沙冰都好好肉，配辣野好解辣！👍🏻