鳳凰茶苑 (已結業)

星期日同屋企人食完中午饭，路经凤凰茶苑，第一次见净系品茗既地方，觉得好特别。一上到去，就仿如进入另一个境界。环境好舒适，周遭有好多植物，每台客人都享受紧宁静既一刻，系一个非常好既谈心处。一坐低店员就介绍不同既茶种，佢地既自家品牌叫密云龙，听完之后拣左主打既大红袍。根据不同既级别，有风、雅、颁之分，最后我地拣左雅既套餐，而除左大红袍，套餐仲可以拣多一种茶（香片/玫瑰花）配茶点。主打既大红袍口感醇和、顺滑、味道系口腔持久不去。而香片既茶叶有香气、泛著兰花既味道。享受左两个钟之后，借品茗放松心灵。现场仲有卖好多茶具，除左自己去饮茶，仲可以包场/举行公司活动等，一齐同亲朋戚友感受下。