古琴雅苑 (QRE Plaza)

营业中

休息中

古琴雅苑系我地都经常食既餐厅，湾仔区要揾到好食嘅上海菜，而又环境坐得舒服, 古琴雅苑系不二之选。餐厅位于合和中心对面，交通方便。环境好阔落，景观都好靓。一个半开放式嘅厨房，可以睇到厨师即场烤鸭，煮菜，好有娱乐性。餐牌选择多, 唔同京沪菜式都有, 样样都好吸引, 我地谂左一阵, 最后拣左一D人气既小菜。前菜有炸脆鳝, 香口得黎又带一点甜，当开胃小菜一流。主菜招牌北京烤鸭, 半只份量都算大份, 唔算肥, 啱我口味, 仲有多款配菜同酱汁。一口酥真系特别香脆，入口即溶，不过有点油腻。烤鸭皮非常脆，鸭肉好鲜嫩，皮肉比例适中，包埋饼皮一齐食唔会太油腻, 好正。松子鱼, 味道同样出色。卖相非常吸引，外脆内嫩, 炸得啱啱好，鱼肉脆口结实，鱼身起晒骨, 啖啖肉。酸甜汁味道适中，系好好味嘅手工菜。云吞鸡,汤好清好鲜甜，鸡味浓郁。半只鸡都好嫩滑，云吞同菜嘅份量都几足, 饮完好舒服。餐厅嘅食物水准同环境都非常唔错, 系一个同朋友家人聚会既好地方。