品越越式料理 (雅蘭中心) (已結業)

今日同fd去左行旺角，无意中发现雅兰中心楼上嘅一间越南餐厅，虽然行街已经食左D野唔太肚饿，就系想揾个静静地嘅地方坐下倾下计，咁岩喺远方度望到佢有窗口位，而D装修又好似几靓咁，就上左去试下。行到埋去先发现原来佢嘅入口唔系雅兰中心一期商场度，而系喺二期果边嘅楼梯入口上去，有少少难揾。入到去之后我地叫左店员比个静D嘅位比我地，佢好亲切咁带左我地去最入面嘅窗边位度坐，由窗口望出去就系热闹嘅弥敦道马路，对住靓景食野，一流!因为唔太肚饿，所以我地净系叫左一个牛粒红饭、无骨凤爪、牛油鸡翼同两杯饮品。无骨凤爪作为前菜简直一流!可能系冷盘嘅关系，我地果头落完单，转个头就上左啦，真系好有效率!呢度嘅凤爪同我以前喺泰国食过嘅唔同，冇咁辣同酸，偏甜，但作为喜爱甜野嘅我偏向钟意呢度嘅凤爪，甜甜地又开胃，呢种口味都比较适合啲食唔到辣嘅香港人。牛粒红饭一落枱就闻到好香嘅蕃茄味，仲有D炒蛋喺入面。D牛粒咬落去好软绵绵入口即溶，一D都唔韧，本来见到佢落左好多青椒，最憎食青椒嘅我本来都有D怕，但佢炒到D青椒好香，食落又冇左青椒嘅苦涩味，怕食青椒嘅我都食得津津有味，正!最后上嘅系牛油鸡翼，可能因为需要焗，所以要等耐D，不过