Pastime

营业中

休息中

估唔到，鬧市中都有精緻個性Cafe。Pastime位於轉角，藍白色主調，充滿希臘風格。店內環境舒適，令人心情放鬆。我同朋友都揀咗Set Lunch，價錢合理，份量頗大。🔷雞肉串陪希臘麵包 （$88）配合Cafe希臘風主題🇬🇷嘅人氣之選。鮮嫩嘅雞肉灑上特別香料，經過細心烤焗，加上新鮮蕃茄、青瓜同洋蔥，及惹味乳酪醬汁，相當美味。希臘麵包口感Q軟有嚼勁，包住豐富餡料一齊，真係大滿足！🔷卡邦尼煙肉水波蛋意大粉（$88）由濃香芝士整成嘅creamy醬汁，放進炒得焦香嘅洋蔥及煙肉，增加味道層次感。意大利粉煮得al dente，份量亦夠多。水波蛋切開一刻，蛋黃緩緩流出，十分有療癒感覺。🔷蜜桃荔枝梳打🍑（+$18）賣相吸引，味道甜甜酸酸，唔會太甜，炎炎夏日飲，最適合不過。🔷接木骨花梳打💜（+$18）睇見個顏色已經feel到絲絲涼快感，味道富有清新花香，坊間比較少見，值得一試。Pastime 食物及飲品都用心製作，用料新鮮，甚有質素。趁住有少少空閑時間，又想放鬆一下心情的話，去Pastime係一個唔錯嘅選擇。