Tommy Yummy (翡翠中心)

营业中

休息中

今日同我朋友行完中环街市，佢话想食泰国菜，但又话要打坐得舒服，好彩俾我揾到间Tommy Yummy ，完全可以满足佢要求。餐厅地方唔算大，但唔会话坐得好逼，如果想坐窗边露台打卡𠮶几个位。就一定要book枱。虎虾海鲜混乱杯面 卖相已经非常吸引，充满立体感。杯面炒得非常干身，而且冬阴功味好浓，配料海鲜有鱿鱼、青口，仲有一大只虎虾。椰子南姜鸡汤(二人份)非常足料，而且鸡肉嫩滑，鸡汤带有阵阵南姜和柠檬叶嘅香味，亦带椰奶嘅甜，整体浓郁开胃。芒果糯米饭呢度嘅糯米饭系用班兰汁整，所以带有阵阵班兰香味，整体芒果好甜，糯米饭黏口，份量唔少。椰香菠萝飘雪椰香味浓郁加埋菠萝嘅酸酸甜甜，味道非常之夹，饮起上似奶昔。总括而言，餐厅犹如闹市中的绿洲，系人来人往的中环，想Chill下或者想身心放松下，呢度系一个唔错选择。