影片
更多
2018-09-24
496 浏览
中秋将至,加上周末假期,就想带Mami出嚟威威,请佢食番餐好嘅,以表孝心👩🏻但通常老人家都唔想舟车劳顿去得太远,所以就喺屋企附近嘅新都城揾吓边间高档小小又唔会太伤荷包嘅餐厅啦🤭之前好似都唔觉眼呢个位有间西餐厅,我谂应该都算系新开冇几耐,见到里面嘅装修都几有欧陆风情,人客都几多但又不至于要等位,餐厅名叫做「春天」都几有诗意,见Mami都觉得唔错一于就入去试吓啦。呢度嘅set dinner分两份餐牌,都几多选择,搞到我哋三个人都花多眼乱,结果我哋三个都分别拣到自己嘅心头好每人一个set,大家都叫唔同嘅餐咁就可以亘相开心分享喇。我哋三个都惊饱得滞食唔哂所以全部都拣咗是日餐汤,如果唔钟意饮汤嘅话就可以拣田园沙律。本身餐牌冇写系乜所以我叫之前已经问咗职员系咩汤嚟,佢话今日系粟米火腿忌廉汤咁我就放心叫喇。佢仲话餐牌都会定时改动吓,咁可以下次嚟就应该会试到其他款式啦。平时都好小见西餐厅嘅粟米汤会加火腿,所以呢度有都加咗分丫。啲汤最重要够热,啲粟米同忌廉煲到好溶,好味Mami拣咗呢份扒智利比目鱼柳配大虾,估唔到仲可以有意粉/饭/薯菜跟埋添,职员问Mami拣边样嘅时候都令佢吓咗一惊因为觉得好抵食。佢惊食
之前好似都唔觉眼呢个位有间西餐厅,我谂应该都算系新开冇几耐,见到里面嘅装修都几有欧陆风情,人客都几多但又不至于要等位,餐厅名叫做「春天」都几有诗意,见Mami都觉得唔错一于就入去试吓啦。
呢度嘅set dinner分两份餐牌,都几多选择,搞到我哋三个人都花多眼乱,结果我哋三个都分别拣到自己嘅心头好每人一个set,大家都叫唔同嘅餐咁就可以亘相开心分享喇。
粟米火腿忌廉汤
19 浏览
0 赞好
0 留言
我哋三个都惊饱得滞食唔哂所以全部都拣咗是日餐汤,如果唔钟意饮汤嘅话就可以拣田园沙律。本身餐牌冇写系乜所以我叫之前已经问咗职员系咩汤嚟,佢话今日系粟米火腿忌廉汤咁我就放心叫喇。佢仲话餐牌都会定时改动吓,咁可以下次嚟就应该会试到其他款式啦。平时都好小见西餐厅嘅粟米汤会加火腿,所以呢度有都加咗分丫。啲汤最重要够热,啲粟米同忌廉煲到好溶,好味
扒智利比目鱼柳配大虾
$118
14 浏览
0 赞好
0 留言
Mami拣咗呢份扒智利比目鱼柳配大虾,估唔到仲可以有意粉/饭/薯菜跟埋添,职员问Mami拣边样嘅时候都令佢吓咗一惊因为觉得好抵食。佢惊食唔哂所以就拣咗薯菜啦~首先块鱼柳Mami表示极度满意,佢话超级有鱼味,鱼肉够实兼夹弹牙,佢话有鱼味绝对唔系讲废话,佢话如果系雪藏鱼就会雪到冇哂鱼味,呢度呢条绝对新鲜,煎到外皮微脆,所以佢话好好味。只大虾Mami话煮得够熟唔会马虎,虾够大只肉质够爽,薯菜方面除咗有益嘅椰菜花仲有翠肉瓜又有豆咁,实在够食。旧薯蓉上面仲插咗一块薄脆增添一份华丽嘅感觉,成个餐即刻grand咗仲加咗几分艺术感,绝对系酒店级嘅水准一样。
美国肉眼扒(12OZ)
$188
9 浏览
0 赞好
0 留言
而阿肥叫呢份系美国肉眼扒(12OZ),配意粉,仲跟埋烧汁,$188蚊有呢种质素实在唔过份。块肉眼扒仲大过我块面牛扒烧烤嘅程度刚好七成,系阿肥嘅要求,唔会太生亦唔会overcooked,确系恰到好处,牛扒嘅油脂分布唔错,入口咀嚼之后都发出轻轻牛香,需唔需要再点汁真系悉随尊便,块牛扒本身质素够好都唔洗太多其他调味,正呀另外真系要大赞个意粉,竟然会用橄榄油炒香过,再加上香草调味,呢个厨师嘅厨艺认真有深度
春天龙虾拼盘
$178
14 浏览
0 赞好
0 留言
9 浏览
0 赞好
0 留言
我拣嘅呢份春天龙虾拼盘就犀利喇,除咗有半只龙虾之外,仲有羊架一件,牛脊扒一块同埋一只大扇贝劲惊喜咁原来仲有炸薯条添‼️另外配上烧汁。首先要赞美一下只扇贝好好味,佢用咗好特别嘅沙律酱混埋一齐焗令到味蕾嘅刺激度大增,非常开胃。但仍然唔会抢去扇贝嘅风头,可以食到新鲜嘅弹牙质感。至于𠮶半只龙虾心机分亦唔小,一咬开食落就知道厨房唔系用水烚完先再焗咁悭时间,爽口程度令人非常满意,绝对系需要一定时间烤焗先可以做到呢个水平,上面仲微微咁酿入咗菇丝+洋葱丝,同埋芝士+小小沙律酱捞埋一齐喺龙虾面度焗,口感丰富又美味。因为我本身唔食羊,所以块羊架我就俾咗阿肥食,佢食完之后就概叹自己点解唔叫呢个餐因为佢觉得呢个餐劲多嘢食又好味道,咁睇嚟件羊架都一样系保持水准,令人满意。虽然块牛脊扒只系细细件但属于厚切嘅一种,就算切开嚟食仍然可以有六/七片,见到里面粉红色嘅肉咬落去非常鲜嫰,令人赞佩!!!只系轻轻调味带出牛肉本身嘅肉味,真心只讲求质素薯条嘅份量一啲都唔孤寒,我亦都根本已经饱到要将薯条同大家三个人一齐分享。呢只幼身薯条我最钟意,尤其系啱啱炸起,又热又脆
冻奶茶+冻柠茶+热咖啡
7 浏览
0 赞好
0 留言
最后一人一杯餐饮,无论有咩要求职员都一样有求必应：冻奶茶要走甜多奶,冻柠茶只要小小甜,只系得热咖啡正常,全部都一应俱全,毫无甩漏
食一餐咁高质素嘅西餐厅埋单都只系五百零蚊本小姐真心觉得赚到喇,Mami仲要好开心,我哋三个人就算已经食完,坐底倾咗一阵计职员亦都唔会赶人走,只系会继续不停提供服务,又斟水又清理,非常尽责。最后仲有店长超nice咁送咗件蛋糕俾我哋食添会唔会系靓女福利(?!)(欠揍mode on)
千层蛋糕
10 浏览
0 赞好
0 留言
呢件千层蛋糕,我相信系餐厅自家制嘅,千层嘅蛋皮十分之薄,逐层加上嘅忌廉绝对系考验功夫之作,相当独特,带点焦糖嘅味道,系我喺出面冇食过嘅口味
张贴
