金潮泰 (已結業)

讲到食简单嘅泰国嘢…呢间金潮泰都算系系沙田数一数二有名同有少少历史，平时我都食得多，今次的起心肝写返篇好评俾佢先！皆因呢位泰国人老板娘真系好有心整嘢食，每次食嘢见到佢一路煮一路哼住自己系店内播嘅泰文歌，感觉到佢每日系街市度整嘢食俾人𠮶种喜悦，连我系侧边食我都感受到佢𠮶一份嘅快乐！ 今日要介绍嘅就系呢个……泰式杂锦沙律 ($20)酸酸微辣凉阵阵 又爽口嘅感觉，夏天𠮶时食， 要来消暑一流！只系20蚊就有一大碗，入面嘅嘢都唔少，有托肉，鱼片，蕃茄，洋葱，猪肉，酸汁，青柠，鸡脚！特别要一提好食嘅系佢啲鸡脚连骨食之余系好爽口又好入味至于点解我叫杂锦…纯粹系因为我份人比较贪心姐