金潮泰 (已結業)

沙田第一城站愉翠苑街市嘅隱世名物。今次識得搵食搵到咁偏僻就當然係有地膽介紹啦，一間匿埋係屋村街市，舖面極細毫不起眼只係得數個Bar 枱位嘅泰國小店，竟然賣嘅係如此高水準嘅泰式粉麵同沙嗲。🥘冬陰功豬頸肉河粉 $➍⓿如果你係泰菜或者係冬陰功愛好者，呢個湯粉絕對會令你瘋狂。微酸微辣嘅湯底係呢個咁炎熱嘅天氣食零舍開胃。豬頸肉切條份量勁多好似食極都仲有，夾埋索左啲湯嘅河粉同傳統泰菜嘅香料味道，食完已經想即刻encore啦！🐷清湯豬頸肉米線 $➌➎ 唔中意冬陰功嘅口味可以一試佢個清湯，淡淡地清清地但一樣係味道香濃。🍢各式沙嗲 $➊⓿ （魚餅 牛 雞）除左食湯粉，佢地嘅沙嗲價錢同樣吸引，每款只係十蚊。叫左3款已經有一個膠兜咁多嘅份量。泰式魚餅整到薄薄一塊煎香再切件，牛肉雞肉無燒過只係簡單煮熟，肉身仲好嫩配埋特製沙嗲醬一齊食幾有驚喜！☕️泰式咖啡 $➊⓿唔似茶記嘅咖啡，啡味溫和易入口，甜味可以調配。最重要係又係十蚊杯咋！飲飽又食醉每人都只係六十大元！📍金潮泰 沙田牛皮沙街2號愉翠苑街市25號舖

呢間泰國檔響愉翠苑街市已經十幾年..個泰國姐姐而家都變咗姨姨...記得以前係響個商場做野..晏晝成日都去買嚟食..耐唔時行過都會想去坐低食返碗或者外賣今日咁啱去完附近..又想去睇吓....好彩仲響度叫咗個冬陰功湯底豬頸肉米線豬頸肉嘅數量非常多..仲有生菜底..冬陰功嘅味道好香濃..泰式凍奶茶比起出邊嗰啲冇咁甜咁多年個味道都冇變真係好開心..依家有時想食返細個食過嘅嘢好多都搵唔番..希望可以一路保存呢啲小店

好耐之前食過一次令我回味無窮，所以特登叫我老公去買外賣。上次試過佢嘅冬陰功米線，湯底真係非常正宗足料嘅冬陰功，今次老公叫咗泡飯一樣咁正，成個湯飲晒，亦都有幾隻蝦叫都幾爽口（飯都係超多，不過因為啲湯好正所以都食得晒）～因為其實最緊要戒口所以我就叫個清湯豬頸肉米線，清湯得來蒜味好濃，所以好適合我呢啲鍾意惹味嘅人。豬頸肉比我想像中薄，不過對於30幾蚊來講CP值真係爆曬燈！另外老公仲加咗個魚餅小食，又係平到笑！魚餅配以沙嗲醬味道其實唔錯，不過唔係熱嘅，如果熱食應該會正好多（當然你買外賣的話就返屋企加熱啦！ ）另外試過呢度嘅酸辣鳳爪又係超正，不過亦都好辣，大家要有心理準備。佢店舖只有兩三個坐位，又正正菜檔隔離，所以主力做外賣，全部野都係發泡膠，其實都幾唔環保，不過因為太好食啦，所以仍然對佢念念不忘，唯有洗乾淨啲食具在拎去特定地點回收啦！

中學時代常常到屋企附近的金潮泰，可惜鄰近家中的沙田禾輋村街市的分店已結業，所以只能待在到附近上堂時才能品嚐金潮泰美食。老闆是泰國人，而店員亦帶有泰國口音，所以食物味道極為正宗，冬蔭公湯底酸辣度做得夠好﹗點了最愛冬蔭湯蝦面，店家用發泡膠裝，所以免卻洗碗的工序。上枱時好多芫茜蔥在表面，賣相吸引。蝦隻蝦煮得剛好，不會老，保留彈性。冬蔭公湯底唔會好辣，可以自行再加辣椒，每次都分外珍惜能夠喝到這麼正宗的冬蔭公湯底，有時更會忍不住喝清光。龍眼冰，清新解渴，有龍眼肉在內~學生時代的回憶不斷湧現出來，啖啖滋味在心頭，閒時走來吃一吃，特別回味無窮﹗

每次學車前，我都會去位於愉翠街市入邊嘅金潮泰食泰式湯河❤️❤️ 我偷聽到坐我隔離嗰個話每次學完車都會嚟食🤣餐廳唔係好大，有10個坐位左右。因為位於街市入面，所以環境會屈就d，同埋會擠迫d既👯‍♀️👯‍♀️我係午市時間黎既，所以都幾full。我簡佐金潮泰冬蔭辣魚餅河粉。大大碗河粉，魚餅好大塊同埋超級微辣。我覺得個冬蔭湯唔夠辣，所以自行再加辣椒。之於價錢，係$35🤑依家係沙田市中心食個泰式湯粉，大部分都要超過$50啦🌞重點係大食既我係飽既💁🏻‍♀️

愉翠街市內有不少吃東西的好地方，這是一間泰式食舖，有不少選擇，坐位不多，老闆娘好像是泰國人，挺有人情味。幾個月前，曾品嚐這裏的豬頸肉清湯米線、少辣，這次外賣也點了相同的米線，再次品嚐，湯底還是有淡淡的泰國風味，有些獨特的香料，少少辣味很香，而且配有不少生菜，但這次吃的豬頸肉不夠幾個月前吃的那一次入味，而且不夠脆身爽口，米線亦較碎，如果有上次的水準就非常好吃了。不過，這碗米線算是很便宜，只是$30元，還算值得。

當每次有long lunch Time嘅時候，我都會去愉翠苑嘅呢間小店幫襯。雖然金潮泰喺街市入邊嘅一個角落，地方唔算寬敞，但勝在價錢實惠，食物質素高，老闆娘親切有笑容，都吸引唔少人幫襯。今日晏晝食咗冬陰公豬頸肉河粉。冬陰公係推介嘅必食湯底，有冬陰公嘅香味之餘亦都唔辣，最適合怕辣嘅朋友嘗試。豬頸肉十分之煙韌有口感。食完個粉，就當然要飲哂冬陰公先夠滿足啦！🤗之後飲番杯泰式咖啡沖充電。泰式咖啡甜得嚟，冇咖啡嘅苦澀味。怕苦嘅朋友就可以飲呢杯咖啡為下咩工作繼續充電喇！💪🏾45蚊就可以食飽飽，真係超值！除咗堂食之外，都可以外賣㗎。你亦可以預先打電話去落單，所以趕時間嘅朋友你都想食泰國野，可以考慮呢一間小店啦。👍🏾

每次經過愉翠苑 都好鍾意去呢間小店除左價錢實惠 食物高質 另一個原因就係呢度好有人情味我最鍾意食 四寶米線 四寶分別有：扎肉 雲吞 魚片 牛丸 都只係$30仲要大大碗 起抵食味道方面都好有泰國口味 配埋炸蒜頭 超香口佢仲可以加錢換冬蔭功湯底因為我怕辣既原故 就冇試過喇另外呢度既芒果糯米飯亦好吸引唔好睇佢細細盒 分量好足老闆娘仲會落重椰漿 超惹味呀不過芒果就細舊左d 再多點會更好食價錢都只係賣$25 抵呀而小食方面 必食炸魚餅同炸魷魚so🦑

因為新工作係附近, 街市都有好味野食~叫左冬蔭四寶米線, 因為本人食得辣, 個冬蔭湯本身對自己來講唔夠刺激, 所以仲叫老闆娘加酸加辣~好香又好味, 米線份量足,  扎肉好食, 十分享受~ 一定成日幫襯!

因為工作的關係，有機會到沙田。有一次試過這一家小店之後，就愛上了😍！常常忍不住要去食😝就連放假都要專登搭車去食🙈小店位於愉翠苑街市中，店舖很小，圍着店舖大約有10個坐位，不會很舒適。食物以湯或撈的米線或河粉為主，也有飯。我的至愛是豬頸肉或燒雞撈米線，撈米線的汁沙嗲味和花生味很香濃，可以選擇辣或不辣，個人覺得少辣最好味～ 米線配上新鮮的蕃茄、洋蔥、生菜，加添清新。再加上炒香的花，更加香口。我每次都忍不住連汁都飲清😝四寶河都是推介的，可以選擇清湯或冬蔭公湯底。個人會選擇冬蔭公湯底，酸辣度適中，又可以令我飲清光。也可以選擇清湯，再自行加辣椒和魚露。其他小食都好好味，例如泰式魚餅、魷魚鬚、泰式鳳爪等，都好好味。飲品推介有龍眼冰、青檸七喜。米線和湯河大部分都是＄30，飲品大約＄10，小食都是＄10左右。這個價錢，實在太抵了！而且老闆娘很好人，態度也很好，店內有紙巾提供使用，十分細心。值得推介的一家小店👍🏻

在open rice睇食評竟然比我搵到呢間喺我屋企附近的泰國小店！因為本人好喜愛食泰國菜！今日見放假立即走去試試先！環境在街市內，都可以坐到10人！下午去到好多人排隊買午餐，不斷有人來叫外賣，生意滔滔不絕！連我大住個肚都忍唔住叫咗一碗冬陰公雞肉米線，酸辣鳳爪，一份沙嗲牛丸，一杯龍眼冰！真係大件夾抵食！而家呢個年代邊有可能＄30食到一碗湯米線得架？仲要係冬陰公湯底湯底味道濃郁正宗，酸酸辣辣，好開胃，我連湯都飲埋酸辣鳳爪真係好食到不得了！又夠辣，蕃茄新鮮！＄20咋又好大份！出面食的話起碼要四十幾蚊以上！龍眼冰都係＄10一杯，好清甜老闆娘同伙記都好好笑容有禮貌！我諗呢排日日都要去探佢哋啦！真係食上癮😱正正正

在屋邨附近上班，屋邨商場很多時都被連鎖食店壟斷，要找到一些獨一無二的味道已經不再是易事。位於愉翠苑街市內的一個角落，有一對香港泰國的夫婦共同經營的泰國粉麵檔，雖然座位只得五、六個，但人流駱驛不絕。早前跟同事來過，可惜放工遲了，粉面檔也快賣完準備關店。難得今天放工放早了，於是再和同事前來試一試。粉面主要分成冬蔭湯或是辣撈兩款，配菜多元化，不同丸類，四寶，魚餅，豬頸肉，海鮮等等。這裡的辣度迎合了港人口味，冬蔭味十足，不過未算辣，蝦煮得剛好，不會老，但略嫌湯太多，不過同事都飲個清光。點了一份撈的，配菜有生洋蔥生蕃茄，冰凍的蕃茄肥美非常，也十分新鮮，自家配製的辣汁，跟蕃茄洋蔥都非常配合，整體好清新$8配了一杯咸檸七，冰凍的，咸味十足，沒有一棵咸檸在一起也很重味。來了一份魚餅，貼心地為我們剪開幾少份，滿滿的沙爹汁很香口，比起一般的泰式魚餅，這個質感有點像媽媽在家製的鯪魚餅，吃落軟滑，魚味重。一邊吃河粉，粉面檔的外賣生意滔滔，這麼晚原來很大部份都是我們公司的同事和實習生。

去醫院探病 朋友話愉翠苑街市有間泰國菜不錯 避過了午餐人潮就決定一試。一人一碗粉再加兩個小食。烤魷魚鬚和牛丸。魷魚好硬好乾 牛丸都OK 有肉味 配上秘製沙爹汁 醬汁幾香 有花生味。金牌牛肉撈辣河粉 - 河粉算滑 牛肉好鞋好乾 配上生蕃茄同洋蔥 醬汁竟然係烤物的沙爹汁 真是不太配搭。冬蔭四寶湯河 - 豬肉丸魚片扎肉都不是出色之選 湯底只有淡淡酸味。埋單每人四十大元。係就係好抵 但是質素一般之餘 整個下午都非常口渴 可想而知味精有幾多。

講到食簡單嘅泰國嘢…呢間金潮泰都算係係沙田數一數二有名同有少少歷史，平時我都食得多，今次的起心肝寫返篇好評俾佢先！皆因呢位泰國人老闆娘真係好有心整嘢食，每次食嘢見到佢一路煮一路哼住自己係店內播嘅泰文歌，感覺到佢每日係街市度整嘢食俾人嗰種喜悦，連我係側邊食我都感受到佢嗰一份嘅快樂！ 今日要介紹嘅就係呢個……泰式雜錦沙律 ($20)酸酸微辣涼陣陣 又爽口嘅感覺，夏天嗰時食， 要來消暑一流！只係20蚊就有一大碗，入面嘅嘢都唔少，有托肉，魚片，蕃茄，洋蔥，豬肉，酸汁，青檸，雞腳！特別要一提好食嘅係佢啲雞腳連骨食之餘係好爽口又好入味至於點解我叫雜錦…純粹係因爲我份人比較貪心姐

冬陰公好開胃，酸酸地, 但又不太辣, 味道一流，d河粉好好吃！最後叫個鳳爪，太辣，老闆娘重送左碟雞肉比我地解開辣。牛丸個味道好得意，豬頸肉好爽口，又抵食，好值得試試。