都市空間 (已結業)

今日行过土瓜湾，见到呢间文青风味Cafe好吸引，就入去谂住试吓，扮吓伪文青都好。因为平日嘅关系，店内都唔系好多人，好快就揾到位，睇完Menu之后去counter落单，等嘢食送到。今次叫咗一份All day Breakfast同一杯Green Tea Latte，价钱$115，价钱方面就都差唔多，All Day Breakfast份量足，几钟意沙律个醋，几好味，唔系超酸𠮶种！多士好脆好好食！Green Tea Latte味道一般，唔甜，但系啲粉唔溶，饮到最尾嘅时候会饮到一旧旧粉，可能系我搅得唔够均匀。店舖卖点系可以叹住咖啡睇书，书嘅种类都好多，个人特别钟意同香港有关嘅书，除咗书之外都仲有一啲文具、杯等等可以买，希望大家可以多啲去支持下呢啲小店啦！